Ny Fitsarana Ambony Antananarivo indray no nanatanteraka ny fotoam- pitsarana manetriketrika famaranana ny taom-pitsarana 2022 ary fanokafana ny taom-pitsarana 2023.
📌 Nandritra izany no nanaovana ireo tatitra ny asa vita ny taona 2022 avy eo amin’ny Fitsarana Ambony, ny Fitsarana Ambaratonga voalohany fito (07) izay ao amin’ny fari-piadidiany (Ambatolampy, Antsirabe, Ankazobe, Tsiroanomadidy, Miarinarivo, Arivonimamo, ary Antananarivo), ny Fitsarana misahana ny ady amin’ny Kolikoly (PAC), ny Fitsarana misahana ny ady ifanaovana amin’ny fanjakana ary ny Fitsarana ara-bola.
📌 Nisongadina ny momba ny fitsarana misahana ny herisetra atao amin’ny maha-lahy na maha-vavy (VBG) ary koa ny fitsarana ady heloka amin’ny tamban-jotra (ciber criminalité) izay mirongatra amin’izao fotoana izao.
📌 Nanao ny ezaka hatrany ny Fitsarana na dia teo aza ny tsy fahampiana indrindra ara-olona sy ara-pitaovana, ary hametraka vina ny amin’ny:
– fanafainganana ny asam-pitsarana,
– fanatsarana hatrany ny kalitaon’ny didy havoaka,
– fanohizana ny ezaka amin’ny taha-70/30 amin’ny voafonja voatsarasy tsy voatsara,
– fanamafisana ny ady amin’ny kolikoly,
– fampitomboana ireo fitsarana mitety vohitra,
– fanapariahana sy fampahafantarana ny zo sy lalàna ho an’ny vahoaka, ary hiezaka hatrany ho Fitsarana manakaiky vahoaka.
📌 Nanentana ny Mpitsara rehetra ny Filoha Voalohany mba ho mendrika, manaraka ny lalàna velona, mandalina ny fahamarinana sy fahamasinana.
♦️ Nanotrona sy nanome voninahitra ny fotoana ny Mpitahiry ny Tombokasem-panjakana, Ministry ny Fitsarana R/toa RANDRIAMANANTENASOA Landy Mbolatiana, ny Filoha Voalohan’ny Fitsarana Tampony , ny Tonia Mpampanoa Ambony eo anivon’ny Fitsarana Tampony ary ireo mpiara-miasa rehetra eto anivon’ny Ministeran’ny Fitsarana.
Fankalazan’ny andro iraisam-pirenena ho an’ny zon’ny vehivavy.
📌 Amin’izao andro iraisam-pirenena ho an’ny vehivavy izao, dia nandray anjara mavitrika ny Fianakaviam-ben’ny Fitsarana tamin’ny alalan’ireo rafi-pitsarana sy fikambanam-behivavy ao aminy.
Tafatafa fohy nataon’ny Mpitahiry ny Tombokasem-panjakana.
⚖️ Tafatafa fohy nataon’ny Mpitahiry ny Tombokasem-panjakana, Ministry ny Fitsarana, Rtoa RANDRIAMANANTENASOA Landy Mbolatiana tamin’ny mpanao gazety taorian’ny Fitsidihana ara-pomba fanajana nataon’ny Masoivoho Soisa 🇨🇭 , A/toa SEM Rolf STADLER, ny folak’andro, teto amin’ny Ministera Faravohitra.
🎤 Teboka roa no niantefan’ny resaka dia ny mahakasika ny fahasimban’ny Fonjaben’ny Toliara vokatry ny fandalovan’ny rivo-doza ary faharoa dia manodidina ny fiaraha-miasa sy fifanampian’ny 🇨🇭Firenena Soisa sy ny ⚖️Fitsarana Malagasy.
📺 Manasa anao ary.
Fitsidihana ara-pomba fanajana.
📌Ny folak’andro harivan’ny 06 Martsa 2023 dia tonga nanatanteraka fitsidihana ara-pomba fanajana tao amin’ny Mpitahiry ny Tombokasem-panjakana, Ministry ny Fitsarana R/toa RANDRIAMANANTENASOA Landy Mbolatiana teto Faravohitra ny Masoivohon’ny Soisa 🇨🇭, SEM Rolf STALDER, ary nitondra ny teny fiarahabana amin’izao fanendrena azy izao.
⭕Anisan’ny laha-dinika ny asa afaka hifanampian’ny Firenena Soisa amin’ny Fitsarana Malagasy, ka ao anatin’izany ny mety hisian’ny fampiofanana ireo mpitsara Malagasy any Soisa.
⭕Ity fitsidihana ity dia fanamafisana ihany koa ny fiaraha-miasan’ny firenena roa-tonta.
Fananganan-tsaina.
📌Fotoana voalohany niarahan’i R/toa RANDRIAMANANTENASOA Landy Mbolatiana Mpitahiry ny Tombokasem-panjakana, Ministry ny Fitsarana nanangan-tsaina niaraka tamin’ireo mpiara-miasa rehetra teo anivon’ny Fitsarana Tampony, Fitsarana Ambony, Fitsarana Ambaratonga Voalohany, Fitsarana misahana ny ady amin’ny Fanjakana ary ny Fitsarana ara-bola teo Anosy.
➡️ Fanatsarana ny fomba fiasa hanatratrarana ny tanjona amin’ny famerenana ny hasin’ny Fitsarana no toro-marika nomeny nandritra ny fandraisam-pitenenany.
⭕️Teo ihany koa no nanolorana ireo “Badges” ho an’ny Mpiasan’ny Fitsarana Tampony rehetra, izay ao anatin’ny ezaka hiadiana amin’ny mpijirika sy ny kolikoly eo anivon’ny Fitsarana .
