Fitsidihana ara-pomba fanajana.
📌Anio 05 jolay dia tonga nanao fitsidihana ara-pomba fanajana an’ny Minisitry ny Fitsarana sady Ministry ny Mponina sy ny Firaisankina misolo toerana,R/toa RANDRIAMANANTENASOA Landy Mbolatiana teto amin’ny Ministeran’ny Fitsarana Faravohitra, ny delegasiona notarihin’ny Filohan’ny filan-kevi-pitantanan’ny UNICEF, Andriamatoa Ernest RWAMUCYO, izay mamita iraka eto Madagasikara.
➡️Nisy ny jery todika ny amin’ireo asa vita niarahana tamin’ny UNICEF sy ny dinidinika momba ireo vinavinan’asa kasaina tamin’izany, na ho an’ny Ministeran’ny Mponina sy ny Firaisankina na ho an’ny Ministeran’ny Fitsarana, ity farany izay manana andraikitra amin’ireo zaza tsy ampy taona manana olana amin’ny lalàna.
⭕️Ny UNICEF dia anisan’ireo mpiara-miombon’ antoka miasa amin’ny sehatra maro toy ny amin’ny lafiny fanabeazana, ny fiahiana ara-sosialy indrindra ho an’ ireo ankizy eto Madagasikara.
![](http://www.justice.mg/wp-content/uploads/2024/07/449788434_827096119515462_8848485109612685230_n.jpg)
![](http://www.justice.mg/wp-content/uploads/2024/07/449784596_827096109515463_941709992207148371_n.jpg)
![](http://www.justice.mg/wp-content/uploads/2024/07/449957916_827096036182137_9177015593060508885_n.jpg)
![](http://www.justice.mg/wp-content/uploads/2024/07/449821743_827096326182108_4159221603202887028_n.jpg)
![](http://www.justice.mg/wp-content/uploads/2024/07/449817625_827096132848794_4829189138435284214_n.jpg)
![](http://www.justice.mg/wp-content/uploads/2024/07/449788175_827096299515444_2457975682443822823_n.jpg)
![](http://www.justice.mg/wp-content/uploads/2024/07/449699435_827096139515460_3098149998858950072_n.jpg)
![](http://www.justice.mg/wp-content/uploads/2024/07/449786976_827096402848767_7419843011593306042_n.jpg)
FANANGANAN-TSAINA TETO AMIN’NY MINISTERAN’NY FITSARANA.
📌Toy ny isaky ny alatsinainy voalohan’ny volana dia nanatanteraka fananganan-tsaina teto amin’ny Ministeran’ny Fitsarana ireo mpiara-miasa rehetra.
🎤Nandritra ny fandraisam-pitenenana dia nanentana momba ny fiarovan-tena amin’ny gripa mahery amin’izao vanim-potoanan’ny ririnina izao ny dokotera eto anivon’ny Ministera, ka noho izany dia ilaina ny manao aro-vava orona indrindra rehefa anaty fivoriana.
➡️Ny Sekretera Jeneraly mpisolo toerana sady Talen’ny Kabinetra, Atoa RARIVOJAONA Emile, izay nitondra ny tenin’ny Ministry ny Fitsarana kosa dia nanentana ny Mpiara-miasa rehetra indrindra ireo any amin’ny Fitsarana mba hiara-hientana amin’ny fanatontosana ny hetsika lehibe « Varavarana misokatra ho an’ny Vahoaka » izay ho atao ny 18 Jolay 2024 ho avy izao eny amin’ny « Parvis » ny Lapan’ny Tanàna.
![](http://www.justice.mg/wp-content/uploads/2024/07/449523136_824651579759916_6568599907509831999_n.jpg)
![](http://www.justice.mg/wp-content/uploads/2024/07/449598985_824651586426582_8975382591137720252_n.jpg)
![](http://www.justice.mg/wp-content/uploads/2024/07/449522893_824651476426593_8455736319893363967_n.jpg)
![](http://www.justice.mg/wp-content/uploads/2024/07/449317489_824651673093240_817585355065281219_n.jpg)
![](http://www.justice.mg/wp-content/uploads/2024/07/449314231_824651776426563_5273019490836414741_n.jpg)
![](http://www.justice.mg/wp-content/uploads/2024/07/449313445_824651563093251_2918024865709221702_n.jpg)
![](http://www.justice.mg/wp-content/uploads/2024/07/449513839_824651526426588_6119457656079169459_n.jpg)
Fitsarana Ambaratonga Voalohany Ambanja.
📌Ho tohin’ny fankalazana ny iray volan’ny ankizy izay natombok’i Rtoa Mpitahiry ny Fitombokasem-panjakana, Ministry ny Fitsarana, RANDRIAMANANTENASOA Landy Mbolatiana dia nanantanteraka Fitsarana mitety vohitra ihany koa ny Fitsarana Ambaratonga Voalohany ao Ambaja ny 28 jona 2024 ka nizara didim-pitsarana misolo soram-piankohonana maimaimpoana ho an’ny Zaza latsaka ny 18 taona .
➡️ Izany no natao dia mba hisitrahan’ireo ankizy izay tsy mbola manana kopia lava ny zo hanana anarana, izay zo fototra voalohany tokony ananan’ny olombelona ka ahatonga azy ho olom-pirenena vanona.
✅Ao anatin’ny fanatanterahana ny Andry voalohany napetraky ny Filoham-pirenena ihany koa ity fanomezana didim-pitsarana misolo sora-pahaterahana ity dia ny « Fanandratana ny maha olona ».
![](http://www.justice.mg/wp-content/uploads/2024/07/449011915_823046613253746_1200145542230290665_n.jpg)
![](http://www.justice.mg/wp-content/uploads/2024/07/abc.jpg)
![](http://www.justice.mg/wp-content/uploads/2024/07/449334944_823046583253749_6713079781671880981_n.jpg)
![](http://www.justice.mg/wp-content/uploads/2024/07/449013961_823046446587096_707813956952329413_n.jpg)
Fanomezam-boninahitra.
⚫️Ho fanomezam-boninahitra an’Itompokolahy RAKOTONDRAVONY Henri, Solo Tonia Mpampanoa Ambony tao amin’ny Fitsarana Ambony ao Mahajanga izay nodimandry tamin’ny 05 jona 2024, dia nanatanteraka ny adidiny ny fianakaviamben’ny Fitsarana izay notarihan’ny Mpitahiry ny Tombokasem-panjakana, Ministry ny Fitsarana, Ramatoa RANDRIAMANANTENASOA Landy Mbolatiana anio alakamisy 27 jona 2024 tao amin’ny Fitsarana Tampony Anosy.
➡️Ho marik’izany dia nanao « Piquet » ny Mpitsara miasa eto Antananarivo. Ho tohizan’ireo Mpitsara eny amin’ny Fitsarana Ambaratonga Voalohany izay ho andalovan’ny razana izany « Piquet » izany mandrapahatonga eny Befotaka Antsohihy toerana andevenana azy.
![](http://www.justice.mg/wp-content/uploads/2024/07/449312693_822164830008591_7162592841087632537_n.jpg)
![](http://www.justice.mg/wp-content/uploads/2024/07/444492821_822165000008574_824116397648471700_n.jpg)
![](http://www.justice.mg/wp-content/uploads/2024/07/449311053_822164976675243_8657190813103076425_n.jpg)
![](http://www.justice.mg/wp-content/uploads/2024/07/448940152_822164983341909_4091935140172261536_n.jpg)
![](http://www.justice.mg/wp-content/uploads/2024/07/438172715_822164863341921_5066931907377665762_n.jpg)
![](http://www.justice.mg/wp-content/uploads/2024/07/449311679_822164883341919_5491459307081580740_n.jpg)
Fanajana ny zon’ny ankizy.
📌Ho famaranana ny fankalazan’ny Minisiteran’ny Fitsarana ny Iray Volan’ny Ankizy dia nakatona anio ny fivoriamben’ireo Mpitsara ny raharaha momba ny ankizy manerana ny Nosy izay notanterahina tao amin’ny Hôtel Carlton nandritry ny telo andro.
Nandritry ny lahateniny, ny Mpitahiry ny Tombokasem-panjakana, Ministry ny Fitsarana, Ramatoa RANDRIAMANANTENASOA Landy Mbolatiana dia nanamafy fa ny tombontsoa ambonin’ny ankizy no tokony jeren’ny Mpitsara rehefa mandray raharaha momba ny ankizy.
⭕Nampatsiahy ihany koa izy fa misy fepetra hafa azo raisina amin’ny ankizy nanao heloka alohan’ny famonjana, izay vahaolana farany.
Mbola maro ihany koa ny fepetra notanisain-dRamatoa Ministra entina hanatsarana ny fitsarana ny raharaha mahakasika ny ankizy. Izany no natao dia ho fanamafisana hatrany ny zon’ny ankizy hanana fitsinjovana manokana rehefa manan-draharaha eny amin’ny fitsarana.
Ity atrikasa ity moa dia notohanan’ny mpiara-miombon’antoka UNICEF.
➡️Talohan’ity lanonana famaranana ity ihany koa no nisantarana ny fifaninanana « Ny zontsika, ny hoavintsika » izay nokarakarain’y Minisiteran’ny Fitsarana manokana ka nandraisan’ireo ankizy tezaina eny amin’ny Akany rehetra eto Antananarivo anjara tamin’ny fizarana ny mari-pankasitrahana sy ny loka ho an’ireo sangan’asa miavaka indrindra isan-tsokajiny. Ka ankizy 22 tamin’ireo ankizy 461 nandray anjara no nahazo izany loka izany izay ahitana tablette, kitapo misy fitaovam-pianarana maro, kilalao, boky, akanjo, sns. Ireo fanomezana ireo dia nentina hanandratana hatrany ny zon’ireo ankizy ireo.
![](http://www.justice.mg/wp-content/uploads/2024/06/448614001_818622110362863_1253621307037620633_n.jpg)
![](http://www.justice.mg/wp-content/uploads/2024/06/448894101_818622213696186_3425603508063790439_n.jpg)
![](http://www.justice.mg/wp-content/uploads/2024/06/448737401_818626753695732_8586730826319054528_n.jpg)
![](http://www.justice.mg/wp-content/uploads/2024/06/448561043_818626953695712_5978417004900456836_n.jpg)
![](http://www.justice.mg/wp-content/uploads/2024/06/448571657_818626877029053_4901559369447001294_n.jpg)
![](http://www.justice.mg/wp-content/uploads/2024/06/448799012_818875947004146_2722061635070165416_n.jpg)
![](http://www.justice.mg/wp-content/uploads/2024/06/448561045_818622343696173_5520883313144266423_n.jpg)
![](http://www.justice.mg/wp-content/uploads/2024/06/448826854_818626917029049_8009135451933357813_n.jpg)
🎥 Horonan-tsary fohy