Teto amin’ny Minisiteran’ny Fitsarana, niarahaba ny Minisitra RANDRIAMANANTENASOA Landy Mbolatiana nohon’ny fahatratrarana ny taona vaovao ny Fianakaviamben’ny Minisitera sy ny Fianakaviamben’ny Fitsarana..
Nitondra ny teny firariantsoa ny Filoha Voalohany eo anivon’ny Fitsarana Tampony PPCS, RAKOTONAVALONA RANARY Robertson.

⭕Namintina ny asa vita tamin’ny taon-dasa, izay azo lazaina fa nisongadina tokoa raha ny fanavaozana natao tamin’ny tontolon’ny Fitsarana sy Fitantanana ny Fonja, niainga tamin’ny soridalana nofaritana hitantanana ny Minisitera.
Ny Mpitahiry ny Tombokasem-panjakana, Minisitry ny Fitsarana RANDRIAMANANTENASOA Landy Mbolatiana dia nilaza fa na miova aza ny taona, ny adidy sy andraikitra mitohy ary hamafisina ny ezaka satria maro ny asa mbola miandry toy ny fanatevenana ny ady amin’ny kolikoky, hisy fepetra maro ho raisina amin’ ny fanatanterahana izany, hamafisina ihany koa ny Fanjakana tsara tantana, ary hampiasaina ny teknokojia vaovao amin’ny fampiharana izany.

TSY MANDEFITRA NY FANJAKANA ARY MANAO FANAMBARANA NY MINISITRY NY FITSARANA, RANDRIAMANANTENASOA Landy Mbolatiana.

NODORANA IREO VARY SIMBA TAO MAHAJANGA, NANATRI-MASO NY MPITAHIRY NY FITOMBOKASEM-PANJAKANA MINISITRY NY FITSARANA, RANDRIAMANANTENASOA Landy Mbolatiana.

📌Ny Alarobia 27 desambra 2023, no notontosaina tao amin’ny Sekolim-pirenena manofana ho Mpandraharahan’ny Fonja (ENAP) tao Antetezambaro ny lanonana ara-miaramila natokana ho fankasitrahana sy ho fanehoana ambany faneva ireo mpianatra miisa 250 tafita tamin’ny taranja samihafa rehefa niatrika ireo sedra maro nandritra ny 45 andro ary ny fiofanana fototra mikasika ny maha-miaramila sy ny tontolon’ny Fandraharahana ny Fonja amin’ny ankapobeny.

➡ Misalotra ny anarana MIARO ( Maturité, Intégrité, Authenticité, Responsabilité, Obéissance) ireto andiany ireto ka ny Inspecteur en chef d’Administration Pénitentiaire BEGARA Étienne, Directeur de l’ Inspection Pénitentiaire no Ray mpiahy azy ireo, izay nitsodrano ny andiany hahavita soa aman-tsara ny fiofanana mbola ho ataon’izy ireo.

⭕ Ny lanonana dia teo ambany fitarihan’ny Inspecteur en chef d’ Administration Pénitentiaire RAZAFINTSALAMA Désiré, Tale Jeneralin’ny ENAP.

⭕Ity hetsika ity dia tsy vitan’ny hoe nanome voninahitra ny zava-bitan’ny mpianatra tsirairay, fa nanasongadina ihany koa ny maha zava-dehibe stratejika ny fandraisan’izy ireo anjara amin’ny ho avy amin’ny fahombiazana sy ny fahamarinan’ny rafitry ny fonja.

⭐Tompon’ andrakim-pajankana maro no tonga nanome voninahitra ny lanonana.

Fivoriana mivantana sy nampitain-davitra (visioconférence) notarihan’ny Mpitahiry ny Tombokasem-panjakana, Ministry ny Fitsarana, Ramatoa RANDRIAMANANTENASOA Landy Mbolatiana, niaraka tamin’ny Tale Jeneralin’ny Fandraharahan’ny Fonja, Andriamatoa RALISAONA Arsène sy ireo tompon’andraikitry ny Fandraharahana ny Fonja.

📌 Namory ireo Talem-paritry ny Fandraharahana ny Fonja sy ireo Lehiben’ny Fonja rehetra manerana ny Nosy ny Ministry ny Fitsarana mba hitazomana ny filaminana anatin’ny fonja sy ho fitsinjovana ny fandriam-pahalemana sy ny filaminam-bahoaka amin’ny ankapobeny.

📍Hentitra ny tenin’ny Ministry ny Fitsarana fa tsy ekena ny goragora sy ny tandrevaka eny anivon’ny Fonja. Araka izany dia :
– nisy fanapahan-kevitra manokana noraisina, indrindra amin’izao ankatoky ny fetin’ny Noely sy faran’ny taona izao ;
– nampahatsiahivina ny fanajana ny fitsipika ankapobeny mifehy ny fonja sy fitsipim-pitondrantena ary ny etika ;
– namafisina ny tokony hidinan’ireo Talem-paritra rehetra eny amin’ny fonja eo ambany fiadidiany mba hanarahany maso ny asan’ny Lehiben’ny Fonja.

📍Namafisin’ny Ministry ny Fitsarana ihany koa ny tokony hanatsarana ny fiaraha-miasan’ny Fitsarana sy ny Fonja ao anatin’ny fanajana ny lalàna hatrany.

🔴 Notsindriany fa hisy ny fepetra ho raisina ho an’ireo izay minia tsy manaraka ny lalàna sy ny toromarika napetraka. Naneho fahavonona ny tompon’andraikitra rehetra hanatanteraka ny toromarika.

⭐ Mirary fety Sambatra ho an’ny rehetra ao anatin’ny filaminana ny Ministeran’ny Fitsarana.