ATRIKASA FAMPAFANTARANA NY ADIDY SY NY ZON’NY MPIASAM-PANJAKANA ARY NY FOMBA FISITRAHANA IZANY.
📌Nanomboka ny alatsinainy faha 12 febroary 2024, teto amin’ny Fitsarana Tampony Anosy dia nampivory ireo mpiasa eto anivon’ny Minisitera sy ny eo anivon’ny Fitsarana isan’ambaratongany ny avy eo amin’ny Fitaleavana misahana ny maha-olona avy eto amin’ny Minisiteran’ny Fitsarana niaraka tamin’ny solon-tena avy ao amin’ny Minisiteran’ny FOP nitondra fampafahatarana sy fanampim-panazavana momba ny zo sy adidin’ny mpiasam-panjakana eo amin’ny asa, ny andraikitra amin’ny fanatsarana ary fikarohana sy ny fanavaozana ny asa sahanina no tena nampafantarina tamin’izany.
⭕Naharitra 3 andro ny atrikasa teto amin’ny Fitsarana Tampony ka ny andro voalohany dia natokana ho an’ireo Lehiben’ny Mpirakidraharaha sy ireo Mpirakidraharaha eo anivon’ny Fitsarana Ambaratonga Voalohany ary ny andro faharoa dia ho an’ireo Lehiben’ny Mpirakidraharaha sy ireo Mpirakidraharaha eo anivon’ny Fitsarana Tampony sy ny avy eto amin’ny Minisiteran’ny Fitsarana ary ny namarana azy kosa anio dia ireo mpiasa tsy raikitra rehetra (sous-contrat).
⭐Ny Filoha voalohany sy ny Tonia Mpampanoa Ambony eo anivon’ny Fitsarana Tampony no nanokatra ny fotoana sy nitondra toromarika vitsy.
42909897_746204704271271_6463953613414316645_n
Fehezan-dalàna famaizana mikasika ny fanolanana.
📍Mahakasika ny fehezan-dalàna famaizana izay momba ny fanolanana dia nisy ny volavolan-dalàna manitsy sy manova ny adininy sasatsasany amin’izany ka mitondra fanampim-panazavana amin’izany ny Mitahiry ny Fitombokasem-panjakana, Minisitry ny Fitsarana RANDRIAMANANTENASOA Landy Mbolatiana.
Fanatsarana ny fomba fiasa eo amin’ny Fitsarana amin’ny alalan’ny haitao ara-kajy mirindra.
📌Alatsinainy, 12 febroary 2024, nampivory ireo mpitsara eo anivon’ny Fitsarana Ambaratonga Voalohany Anosy ny Mpitahiry ny Fitombokasem-panjakana, Minisitry ny Fitsarana RANDRIAMANANTENASOA Landy Mbolatiana niaraka tamin’ireo delegasionina eo anivon’ny Minisitera mba hijery sy hanatsara ny fampiasana ny rindrambaiko « LogiPénal » izay fanafainganana ireo raharaham-pitsarana momba ny ady heloka.
➡Tsikaritra fa misy ireo olana mbola sendraina amin’ny fampiasana ity « LogiPénal » ity ka izay no niarahana nitadiavana vahaolana tamin’ireo tompon’andraikitra.
Fambolen-kazo taona 2024
📌Zoma 09 Febroary 2024, teto Tsiafahy no nanatanteraka fambolen-kazo ny Fianakaviamben’ny Minisiteran’ny Fitsarana. Nitarika izany ny Mpitahiry ny Fitmbokasem-panjakana, Minisitry ny Fitsarana RANDRIAMANANTENASOA Landy Mbolatiana izay nampita hafatra ho an’ny tompon’andraikitra mba hanara-maso sy hikarakara ny zanakazo novolena. Nambarany fa sady famerenana ny tontolo iainana ho tsara sady loharanon-karena ny fambolen-kazo. Tany mirefy 1ha no novolena, zanakazo miisa 2000 ( roa arivo) no natsatoka ka voankazo ny 100, kininina ny 1.000 ary acacia ny 900.
⭕Teny nentina nanatanteraka ity fambolen-kazo ity ny hoe: « Fambolen-kazo manarina tontolo,manatsara famokarana, mamela lova ho any taranaka ». Nampahafatarina nandritra io fotoana io ihany koa ny antotanisan’ny hazo naniry nandritra ny taona 2022 ka nahatratra 80 isan-jato izany.
426672789_743386687886406_5460001710903837988_n
426586877_743384121219996_3764115935276075844_n
426556349_743717074520034_2808784890999514042_n
Raharaham-pitsarana.
⚖️RAHARAHAM-PITSARANA : NOHAMAFISINA NY FAHAIZA-MANAO MIKASIKA NY RAHARAHA SIVILY SY ARA-BAROTRA HO AN’NY MPITSARA SY MPIRAKI-DRAHARAHA ETO ANTANANARIVO
📌Ny 6 ka hatramin’ny 9 febroary 2024, dia nisy fiofanana izay nokarakarain’ny Sekoly Nasionalin’ny Mpampiofana Mpitsara sy Mpirakidraharaha (ENMG) tao Tsaralalana. Natao ho an’ny Mpitsara sy Lehiben’ny mpiraki-draharaha ary ny mpiraki-draharaha ao amin’ny Fitsarana Ambony sy ny Fitsarana Ambaratonga Voalohany eto Antananarivo ity fiofanana ity izay niompana tamin’ny raharaha sivily sy ara-barotra. Tanjona ny hanamafisana ny fahaiza-manaon’ireo mpandray anjara amin’ny fikirakirana sy ny fitantanana ny raharaha amin’ireo sehatra ireo. Anisan’ny lohahevitra nodinihina ihany koa ny ady tany sy ny varotra, ny lalàna momba ny ranomasina, ny andraikitry ny lehiben’ny rejisitra sy ny mpiraki-draharaha eo amin’ny fitsarana, ary ny kaonty rejisitra.
⭕Ny tanjona ankapobeny dia ny fanatsarana ny fikarakarana ny antontan-taratasy sy ny kalitaon’ny fanapahan-kevitra amin’ny raharaha sivily sy ara-barotra.
Ny Fandaharan’asan’ny Firenena Mikambana momba ny Fampandrosoana (PNUD) ao anatin’ny fandaharan’asa “RINDRA” no nanoana izao fiofanana izao.
