Jour : 14 septembre 2023
Ampefy:Fitsarana mitety vohitra.
📃 AMPEFY: NOTOLORANA SORA-PIANKOHONANA IREO ANKIZY TSY NANANA IZANY HATRAMIN’NY FAHATERAHANY. FIARAHA-MIASA TEO AMIN’NY MINISITERAN’NY FITSARANA SY NY OIF (ORGANISATION INTERNATIONALE DE LA FRANCOPHONIE) NO NANATANTERAHANA NY HETSIKA.
🗞️ Alakamisy faha 14 septambra 2023, tao amin’ny Kaominina Ampefy, nisy ny Fitsarana mitety vohitra izay nanomezana didim-pitsarana misolo sora-pahaterahana ho an’ny ankizy miisa 500, nahafahana nanolotra sora-piankohonana ho azy ireo ihany koa.
📌Nanamafy ny Mpitahiry ny Tombokasem-panjakana, Minisitry ny Fitsarana RANDRIAMANANTENASOA Landy Mbolatiana fa manan-danja lehibe amin’ny fiainana maha-olona ny fananana sora-piankohonana satria maro ny tombontsoa azo avy amin’izany, toy ny fahazoana miditra an-tsekoly, ny fahazoana mandova ny Ray aman-dReny, ny fahazoana manatanteraka fisoratam-panambadiana.
📎 Izany indrindra no nahatonga ny Minisiteran’ny Fitsarana hanamafy ny fiaraha-miasa tamin’ny OIF, nahazoana nanatanteraka izao hetsika izao. Ary voarakitra tamin’ny fifanarahana voasonia fa ho an’ny Faritra Itasy dia ankizy miisa 4.000 no ho kendrena ahazo sora-piankohonana, ka ny OIF no mamatsy ara-bola ny hetsika.
📢 Nandritra ity andro ity ihany koa no nanentanan’ny Minisitry ny Fitsarana ireo Ray aman-dReny mba hanoratra ny Zaza raha vao teraka, mba ahazoana avy hatrany ny sora-pahaterahana.
![](http://www.justice.mg/wp-content/uploads/2023/09/378370949_663940679164341_4688771577623655491_n.jpg)
![](http://www.justice.mg/wp-content/uploads/2023/09/378473107_664293502462392_454569299253916716_n.jpg)
![](http://www.justice.mg/wp-content/uploads/2023/09/378466987_663940705831005_594974453988357574_n.jpg)
![](http://www.justice.mg/wp-content/uploads/2023/09/378403662_664293532462389_9099790312955111379_n.jpg)
![](http://www.justice.mg/wp-content/uploads/2023/09/378527457_663940869164322_552108417279662066_n.jpg)
![](http://www.justice.mg/wp-content/uploads/2023/09/378552500_663940792497663_144716723572932429_n.jpg)
![](http://www.justice.mg/wp-content/uploads/2023/09/378802735_663940842497658_812799924011769020_n.jpg)
![](http://www.justice.mg/wp-content/uploads/2023/09/378807128_663940812497661_5461147222316470990_n.jpg)
![](http://www.justice.mg/wp-content/uploads/2023/09/378554594_663940769164332_6538698879909568243_n.jpg)
![](http://www.justice.mg/wp-content/uploads/2023/09/378842292_663940892497653_4676215922981684060_n.jpg)
![](http://www.justice.mg/wp-content/uploads/2023/09/379256068_664293455795730_6769635212639095766_n.jpg)
![](http://www.justice.mg/wp-content/uploads/2023/09/378276809_663940729164336_871483671888622271_n.jpg)
![](http://www.justice.mg/wp-content/uploads/2023/09/378317596_663940825830993_1943023351671411643_n.jpg)
![](http://www.justice.mg/wp-content/uploads/2023/09/378287766_663940749164334_6518384968233196199_n.jpg)
🎥 Manasa antsika hanaraka izany manontolo.