Mois : avril 2023
Tatitra fintina mikasika ny « Etat des lieux sur la situation des personnes atteintes d’albinisme à Madagascar ».
Ny alarobia 05 aprily 2023 no notontosaina tao amin’ny efitrano malalaky ny Radisson Blu Ankorondrano ny tatitra fintina mikasika ny « Etat des lieux sur la situation des personnes atteintes d’albinisme à Madagascar ».
📌 Fikarohana niezahana mba hamantarana ny zava-misy marina iainan’ny olona manana toe-tena varira, taorian’ireo herisetra sy fakana an-keriny ireo olona varira, izay nahazo vahana tao anatin’ny 3 taona farany.
📌 Tompomarika tamin’ny fahavitan’ity karokevitra mikasika ny zavamisy iainan’ny olona manana toe tena varira ity ny Governemanta Malagasy izay notarihan’ny Ministeran’ny Fitsarana ary notohanan’ny Unicef Madagascar sy ny Haut Commissariat aux Droits de l’Homme.
📌 Tomponandraikitra avy amin’ny ankolafin-kery maro moa no tonga nanatrika ity tatitra fintina ity, ka anisan’izany ireo solon-tena avy amin’ny Ministera maro, ny avy amin’ny Firenena Mikambana, ny mpiara-miombon’antoka ara-teknika sy ara- bola, ny fiarahamonim-pirenena izay ahitana ny fikambanan’ireo olona manana toe-tena varira.
📌 Fanombohana ihany ity fikarohana vita ity ary hotohizana amin’ny famolavolàna drafitr’asa nasionaly hiarovana ireo olona manana toe-tena varira, hanamafisana ny fahafahany misitraka ireo zo fototra isankarazany ary ny hanamoràna ny fizakan-tenan’izy ireo.
📌 Nohamafisin’ny voka-pikarohana nozaraina androany ny mahazavadehibe ny fifanomezan-tanana sy ny fifarimbonan’ny sehatra rehetra miankina sy tsy miankina amin’ny Fanjakana mba ho fiarovana sy hampiroboroboana ny zon’ny olona manana toe-tena varira.
Paik’ady fanafainganana ny raharaham-pitsarana mahakasika ny ady tany.
📌 Vina napetraky ny Mpitahiry ny Tombokasem-panjakana, Minisitry ny Fitsarana, Ramatoa Landy Mbolatiana RANDRIAMANANTENASOA ny fanafainganana ny raharaha ara-pitsarana mahakasika ireo ady tany manerana ny Nosy.
Mitondra fanazavana ny tenany ny amin’ireo paik’ady entina hanatanterahana izany vina izany , ary ny Fitsarana Ambony sy ny Fitsarana Ambaratonga Voalohany eto Antananarivo no ho Fitsarana fitaratra hanombohana ny paik’ady maharitra.
📌 Misy koa ny fiaraha-miasa amin’ny Minisiteran’ny Toekarena sy ny Fitantanam-bola, sy ny Ministeran’ny Fanajariana ny Tany sy ny Fananan-tany ho fanamorana sy ho fanafainganana ny fikarakarana ireo antonta-taratasy ilaina rehetra.
Manasa anao hanaraka manontolo ny fanazavana.
Fitsidihana ara-pomba fanajana.
Tonga nanao fitsidihana ara-pomba fanajana ny Mpitahiry ny Tombokasem-panjakana, Ministry ny Fitsarana , Ramatoa Landy Mbolatiana RANDRIAMANATENASOA teto Faravohitra ireo solontena izay misehatra ao amin’ny Banky Iraisam-pirenena.
📍 Niompana tamin’ny tetikasa “TSARA ANTOKA” ny resaka nandritra ny fitsidihana. Fametrahana ny rejisitry ny antoka amin’ny fampindramam-bola, izay afaka kirakiraina sy natao ara-kajimirindra tamin’ny volana Desambra 2022 . Ny tetikasa dia novatsian’ny Banky iraisam-pirenena amin’ny alalan’ny IFC na “Société Financière Internationale”.
Tanjona ny hanatsarana sy hampahomby ny rafitra ara-pitantanam-bola sy ara-pitsarana amin’ny lafiny ekonomika.
📍Tafiditra ao anatin’ny tetikasa «TSARA ANTOKA» avokoa ireo antoka rehetra amin’ny fampidramam-bola ankoatran’ny Tany sy trano.
Paik’ady fanafainganana ny raharaham-pitsarana mahakasika ny ady tany.
📌 Ho fanantanterahana ny vina napetraky ny Mpitahiry ny Tombokasem-panjakana , Ministry ny Fitsarana, Ramatoa Landy Mbolatiana RANDRIAMANANTENASOA, tamin’ny nandraisany ny toerana maha ministra azy dia nanantanteraka fivoriana arak’asa teto amin’ny tranom-bokin’ny Ministeran’ny Fitsarana Faravohitra ny 03 Aprily 2023 ny tenany, niarahana tamin’ireo Mpitsara eo anivon’ny Fitsarana Ambony sy Fitsarana Ambaratonga voalohany teto Antananarivo.
📌 Ny Fitsarana eto Antananarivo no ho Fitsarana fitaratra hanombohana sy nanolorana ny paik’ady maharitra hanafainganana ny raharaham-pitsarana mahakasika ny ady tany, ary hijerena ireo olana ifotony misy sy sedrain’ny vahoaka.
Fametrahana ny Filohan’ny filankevi-mpanjakana eo anivon’ny Fitsarana Tampony.
📌Notanterahana androany 03 Aprily 2023 tao amin’ny Fitsarana Tampony Anosy ny lanonam-pitsarana manetriketrika nandraisana ny fihanianana sy nametrahana ny Filohan’ny filankevi-panjakan’ny Fitsarana Tampony, R/toa RATOLOJANAHARY Marie de Jesus.
⭕Nitondra fanazavana bébé kokoa mahakasika ny asa hiandraketan’ny Filankevim-pajankana ny tenany ary nanome toky fa vonona hanohy ny ezaka izay efa nataon’ny teo loha, ary hitondra fanavaozana sy fanatsarana ary fampandrosoana hatrany ho an’izany Fitsarana izay tantanany izany.
⭐ Tonga nanatrika sy nanome voninahitra ny lanonam-pitsarana manetriketrika ny Mpitahiry ny Tombokasem-panjakana, Ministry ny Fitsarana R/toa RANDRIAMANANTENASOA Landy Mbolatiana.
