Mois : mars 2023
Fananganan-tsaina.
♦️Teto amin’ny Minisiteran’ny Fitsarana Faravohitra indray no nanatontosana ny fananganan-tsaina izay notarihan’ny Mpitahiry ny Tombokasem-panjakana, Ministry ny Fitsarana R/toa RANDRIAMANANTENASOA Landy Mbolatiana.
📌 Nandritra ny fandraisany fitenenana no nitondrany ny teny fiaraha-miory sy fampiononana ho an’ireo mpiray tanindrazana namoy ny ainy nandritra ny fivadihan’ny lakana tany Ambilobe, ary nanamafisany fa hahazo ny sazy faran’izay enjana ireo tompon’antoka na ankolaka na mivantana, ka nahatonga iny loza mahatsiravina iny.
Fotoam-pitsarana manetriketrika famaranana ny taom-pitsarana 2022 sy fanokafana ny taom-pitsarana 2023.
📌 Nanazava ny maha-zava-dehibe ny fanatanterahana ny fotoam-pitsarana manetriketrika ny Mpitahiry ny Tombokasem-pitsarana, Ministry ny Fitsarana,
R/toa RAMANANTENASOA Landy Mbolatiana teo anatrehan’ireo mpanao gazety tonga teny an-toerana.
📌 Tamin’izany ihany koa no nanomezany fanazavana mahakasika ny ady tany sy ireo raharaha mafana amin’izao fotoana izao.
🎬 Manasa anao hanaraka ny horonan-tsary anio.
Dinik’asa sy fivoriana.
📍 Tao aorianan’ny fotoam-pitsarana manetriketrika dia niroso avy hatrany nanatanteraka dinik’asa sy fivoriana niaraka tamin’ireo Lehiben’ny Mpirakidraharaha « Greffier en Chef » sy ireo lehiben’ny mpitan-tsoratra « Chef Secretariat » eo anivon’ny Fitsarana Tampony sy ny fari-piadidian’ny Fitsarana Ambony Antananarivo ny Mpitahiry ny Tombokasem-panjakana, Ministry ny Fitsarana R/toa RANDRIAMANANTENASOA Landy Mbolatiana.
♦️ Tsy nisy nipika ny dinika nandritra ny fivoriana.
Ny Fitsarana Ambony Antananarivo indray no nanatanteraka ny fotoam- pitsarana manetriketrika famaranana ny taom-pitsarana 2022 ary fanokafana ny taom-pitsarana 2023.
📌 Nandritra izany no nanaovana ireo tatitra ny asa vita ny taona 2022 avy eo amin’ny Fitsarana Ambony, ny Fitsarana Ambaratonga voalohany fito (07) izay ao amin’ny fari-piadidiany (Ambatolampy, Antsirabe, Ankazobe, Tsiroanomadidy, Miarinarivo, Arivonimamo, ary Antananarivo), ny Fitsarana misahana ny ady amin’ny Kolikoly (PAC), ny Fitsarana misahana ny ady ifanaovana amin’ny fanjakana ary ny Fitsarana ara-bola.
📌 Nisongadina ny momba ny fitsarana misahana ny herisetra atao amin’ny maha-lahy na maha-vavy (VBG) ary koa ny fitsarana ady heloka amin’ny tamban-jotra (ciber criminalité) izay mirongatra amin’izao fotoana izao.
📌 Nanao ny ezaka hatrany ny Fitsarana na dia teo aza ny tsy fahampiana indrindra ara-olona sy ara-pitaovana, ary hametraka vina ny amin’ny:
– fanafainganana ny asam-pitsarana,
– fanatsarana hatrany ny kalitaon’ny didy havoaka,
– fanohizana ny ezaka amin’ny taha-70/30 amin’ny voafonja voatsarasy tsy voatsara,
– fanamafisana ny ady amin’ny kolikoly,
– fampitomboana ireo fitsarana mitety vohitra,
– fanapariahana sy fampahafantarana ny zo sy lalàna ho an’ny vahoaka, ary hiezaka hatrany ho Fitsarana manakaiky vahoaka.
📌 Nanentana ny Mpitsara rehetra ny Filoha Voalohany mba ho mendrika, manaraka ny lalàna velona, mandalina ny fahamarinana sy fahamasinana.
♦️ Nanotrona sy nanome voninahitra ny fotoana ny Mpitahiry ny Tombokasem-panjakana, Ministry ny Fitsarana R/toa RANDRIAMANANTENASOA Landy Mbolatiana, ny Filoha Voalohan’ny Fitsarana Tampony , ny Tonia Mpampanoa Ambony eo anivon’ny Fitsarana Tampony ary ireo mpiara-miasa rehetra eto anivon’ny Ministeran’ny Fitsarana.
Fankalazan’ny andro iraisam-pirenena ho an’ny zon’ny vehivavy.
📌 Amin’izao andro iraisam-pirenena ho an’ny vehivavy izao, dia nandray anjara mavitrika ny Fianakaviam-ben’ny Fitsarana tamin’ny alalan’ireo rafi-pitsarana sy fikambanam-behivavy ao aminy.
