Catégorie : Autres Evenements

Posted in Autres Evenements

Fampiasana taratasy hosoka ao amin’ny TPI: Lehilahy iray 44 taona naiditra MD

Published Date: 19 février 2021
Mitondra ny vokatra ny antso natao sy ny ezaka mitohy amin’ny fanatsarana ny asam-pitsarana eto Madagasikara. Herinandro monja taorian’ny fanentanana, dia olona iray no tratra amin’ny fanaovana taratasy hosoka teo anivon’ny Fitsarana Ambaratonga Voalohany (TPI) Antananarivo. Lehilahy 44 taona, antsoina hoe RASOLOFO Heritiana, ary mampianatra ao amin’ny sekoly iray etsy Ilafy Avaradrano izy ity. Niakatra Fampanoavana androany 19 Febroary 2021 ny raharaha, ary naiditra am-ponja vonjimaika (MD) ity mpanao hosoka, efa ananan’ny polisim-pirenena antotan-taratasy hafa ihany koa.
Mpampianatra iray namany ihany no nanaovany fisandohana amin’ny resaka tany ho vidiana, ka efa nahazoany vola mitentitna 4 hetsy ariary mahery tao anatin’izao raharaha izao. Rosia sandoka sy fitomboka sandoka avokoa ireo nampiasainy. Rehefa narirariran’ilay mpisandoka ity olona voany, dia nanatona ny Filohan’ny TPI nanontany sy nampiseho ireo taratasy teny am-pelan-tanany. Ny Filohan’ny TPI no niantso fiaraha-miasa haingana niaraka tamin’ny polisim-pirenena misahana ny heloka bevava. Natao ny velam-pandrika, ka izao tratra izao ity mpisandoka. Noho ny fisian’ny antso avo nataon’ny eo anivon’ny TPI ho an’ny vahoaka, dia ny fanatonana tsy mihambahamba ny Fitsarana mamontany ny fahamarinan’ny didy nivoaka, no nahazoana izao vokatra izao.
Nanamafy Rtoa Lehiben’ny Mpiraki-draharaha (Greffier en Chef) eo anivon’ny TPI fa eny amin’ny Fitsarana irery ihany no hahazoana ny matoan-didy marim-pototra. Tsy hisy indra-fo ho an’ireo izay tratra manao hosoka. Nanentana manokana ny tenany indrindra momba ny raharaha mahakasika ny resa-tany, izay matetika no hisehoan’ny fanaovana hosoka toy izao. Tokony tsy hisalasala ny olona manatona ny Fitsarana hoy hatrany Rtoa Lehiben’ny Mpiraki-draharaha eo anivon’ny TPI Anosy.
Hitohy hatrany izao ezaka fanatsarana izao, iaraha-misalahy amin’ireo sampan-draharaha isan-tsokajiny, toy ny eo anivon’ny Fananan-tany sy ny mpitandro ny filaminana.

Posted in Autres Evenements

Fitsarana Ambaratonga Voalohany Fenoarivo Atsinanana : Fampiofanana ny mpiaramiombonan’antoka rehetra amin’ny fiarovana ny Zaza tsy ampy taona

Published Date: 17 février 2021
Nandray Anjara tamin’ny fampiofanana ny mpiaramiombonan’antoka rehetra amin’ny fiarovana ny Zaza tsy ampy taona izay natao teto Sainte Marie ny Fitsarana Ambaratonga Voalohany Fenoarivo Atsinanana.
Atrikasa izay notanterahina ny 16 sy 17 febroary 2021.
Nahazo fiofana manokana ny »intervenants sociaux » sy ny mpikambana ao anatin’ny RPE nandritra io atrikasa io. Niompana manokana amin’ny fiarovana ny Zaza tsy ampy taona amin’ny endrika herisetra rehetra ny atrikasa.
Hisaorana ny ao amin’ny Minisiteran’ny Mponina, ny Fitaleavamparitra ny Mponina eto Analanjirofo, ny UNICEF tamin’ny fiaraha miasa.

 

Posted in Autres Evenements

Fitsarana ara-bola ao Fianarantsoa: Tafapetraka amin’ny toerany ny Lehiben’ny Fampanoavana vaovao

Published Date: 12 février 2021

Miroso ny ezaka fanatsarana ny tontolon’ny Fitsarana eto Madagasikara. Tontosa ny Zoma 12 Febroary 2021 ny fotoam-pitsarana manetriketrika nametrahana tamin’ny toerany ny Lehiben’ny Fampanoavana vaovao ao amin’ny Fitsarana ara-bola ao Fianarantsoa, dia Atoa RABEARISOA Rochel. Nandritra ny lahateny nataony, no nanambarany fa tsy handraraka ilo mby an-doha izy, ary vonona ny hanao izay haha-lavorary amim-pahamendrehana sy amim-pahamarinana ny andraikitra izay napetraka aminy, mba ho reharehan’ny Fitsarana ara-bola sy ny Fitsarana momba ny Kaonty ary ny Fitsarana amin’ny ankapobeny. Notsindriany manokana ny teny filamatry ny Fitsarana ara-bola manao hoe: « Fangaraharana (Transparence) – Tamberin’andraikitra (Redevabilité) –Fahombiazana (Performance) ».

Nisolo tena an’Atoa Mpitahiry ny Fitombokasem-panjakana sy Minisitry ny FItsarana nandritra izao fotoam-pitsarana manetriketrika izao, ny Tale Jeneralin’ny Raharaham-pitsarana sy ny Fandinihana ary ny Fanavaozana (DGAJER) Rtoa RANDRIANARISOA Salohy Norotiana. Nanotrona azy Rtoa Tale misahana ny Zon’olombelona sy ny Fifandraisana Iraisam-pirenena (DDHRI). Nanatrika ny fotoana ihany koa ny Filohan’ny Fitsarana momba ny Kaonty, ny Kaomisera Jeneralin’ny Tahirim-bolam-panjakana, sy ny Filohan’ny Rantsana ao amin’ny Fitsarana momba ny Kaonty sy ireo avy amin’ny Filankevitra Ambony ho an’ny Mpitsara (CSM) ary ireo solontenam-panjakana isan-tsokajiny ao Fianarantsoa.

Nandritra ny kabary nataon-dRtoa DGAJER dia nomarihiny ny maha-zava-dehibe ny andraikitry ny Fitsarana, amin’ny alalan’ny Fitsarana ara-bola, amin’ny fametrahana fanjakana tsara tantana eny ifotony sy ny sy ny fahadiovan’ny kaontim-pitantanan’ny vondrom-bahoakam-paritra hitsinjaram-pahefana.

Ireto avy ireo vondrom-bahoakam-paritra hitsinjaram-pahefana izay iandraiketan’ny Fitsarana ara-bola ao Fianarantsoa:
Ireo Faritra 5, izay mandrafitra ny Faritanin’i Fianarantsoa
Kaominina an-drenivohitra miisa 10
Kaominina ambanivohitra sokajy voalohany miisa 12
Kaominina ambanivohitra sokajy faharoa miisa 370.

Posted in Autres Evenements

Andro faharoa amin’ny Andron’ny Talem-paritra misahana ny Fandraharahana ny Fonja (DRAP)

Published Date: 5 février 2021

Santionany amin’ireo lohahevitra androany : ny fampandrosoana ny asa fambolena sy fanodinana vokatra amin’ireo tobim-pamokarana miankina amin’ny fonja (camps pénaux), ny ady atao amin’ny fipariahan’ny valanaretina Covid-19, ny fifaninanana anaty fanjarian’ny fitantanana (culture d’excellence), ny sata sy rafi-draharaha (organigramme) mifehy ireo DRAP.

Posted in Autres Evenements

Renforcement de capacités

Published Date: 10 novembre 2020

ATELIER POUR LE RENFORCEMENT DE CAPACITÉS DES INSPECTEURS D’ADMINISTRATION PÉNITENTIAIRE

Un atelier pour le renforcement de capacités des Inspecteurs d’Administration Pénitentiaire est organisé à Fianarantsoa les 10, 11, 12 et 13 novembre 2020. Les Directeurs Régionaux ainsi que les Chefs de services régionaux de l’Administration Pénitentiaire des régions Vakinankaratra, Menabe, Amoron’i Mania, Matsiatra Ambony, Vatovavy Fitovinany, Atsimo Atsinanana, Anosy, Androy, Atsimo Andrefana et Ihorombe participent à cet atelier de formation.
L’objectif est de rehausser les compétences de ces responsables régionaux en matière de passation de marchés publics et d’exécution budgétaire. Cela pour impulser un développement de l’Administration Pénitentiaire et promouvoir la bonne gestion des deniers publics. La formation est assurée par des experts dans ces deux domaines, dont un formateur de l’Autorité de Régulation des Marchés Publics (ARMP) et un Inspecteur d’Administration Pénitentiaire ayant travaillé dans le domaine de l’exécution budgétaire et de la planification depuis plusieurs années.
L’atelier est réalisé à travers la collaboration du Ministère de la Justice et le Projet d’Appui à la Justice à Madagascar (PAJMA) financé par l’Agence Française de Développement, à travers la Composante 2 dudit projet qui est axé sur le « Renforcement de l’Administration Pénitentiaire dans ses missions de sécurisation des Etablissements Pénitentiaires et d’humanisation de la détention ». La Direction des Programmes et des Ressources Pénitentiaires, au sein de la Direction Générale de l’Administration Pénitentiaire, a assuré la préparation ainsi que la réalisation de l’atelier, appuyée par l’équipe du PAJMA et celle de la Direction Régionale de l’Administration Pénitentiaire Haute Matsiatra.
D’autres ateliers identiques seront réalisés au bénéfice des responsables pénitentiaires des autres régions.