Catégorie : Autres Evenements
FIDINANANA IFOTONY FANAPARIAHANA LALANA SY PAIK’ADY ARA-PITSARANA
⚖️ FIDINANANA IFOTONY FANAPARIAHANA LALANA SY PAIK’ADY ARA-PITSARANA
✅ Tontosa tao an-drenivohitr’i Toamasina sy tao Fenoarivo Atsinanana tamin’ny herinandro lasa teo ny fanapariahana lalàna sy paik’ady ara-pitsarana notanterahin’ny Foibem-pitondrana momba ny Fandinihina sy ny Fanavaozana Lalàna (Direction des Etudes et des Réformes Législatives) ho fanatanterahana ny vinan’ny Ministeran’ny Fitsarana hoe « Fitsarana manakaiky vahoaka ». Tetik’asa izay notohanan’ny PAJMA.
➡️ Anisan’ny nisitraka izany ireo Ben’ny tanàna sy ny lefiny, ireo lehiben’ny boriborintany sy ireo mpitantsoratry ny sora-piankohonana tao anatin’ny Distrikan’i Toamasina I sy II, ary ny Distrikan’i Fenoarivo Atsinanana, fa indrindraindrindra ireo mponin’i Toamasina sy Fenoarivo Atsinanana.
⭐ Ny lalàna vaovao laharana 2018-027 tamin’ny 08 febroary 2019 mikasika ny fiankohonana, ny lalàna laharana vaovao laharana 2019-008 tamin’ny 16 janoary 2020 momba ny ady atao amin’ny herisetra mifototra amin’ny maha lahy na ny maha vavy, ny manodidina ny fandovana sy ny fananan-tany, ny fampidiran-draharaha eny anivon’ny Fitsarana sy ny andraikitry ny mpirakidraharaha ary ny paik’ady arahina eo anatrehan’ny Fitsarana misahana ny ady atao amin’ny Fanjakana no anisan’ny lohahevitra novelabelarina tamin’izany.
📌 Tanjona amin’izany rehetra izany moa dia ny hahalalan’ny vahoaka ireo lalàna vaovao eto amin’ny tany sy ny Firenena fa indrindra ihany koa ny hahafantaran’izy ireo ny mikasika ny paik’ady eny anivon’ny Fitsarana mba tsy hahatompotrano mihono an’ireo izay manandraharaha.
Mitohy ny ezaka izay ataon’ny Foibem-pitondrana momba ny Fandinihina sy ny Fanavaozana Lalàna (Direction des Etudes et des Réformes Législatives) eto amin’ny Ministeran’ny Fitsarana ka toerana maro samihafa no mbola hisitraka izany fidinana ifotony izany amin’ity taona ity.
Fampiofanana ireo mpampiofana teo anivon’ny fandraharahana ny Fonja.
⚖️ Fandraharahanan’ny Fonja
✅ Ny 29 aprily 2022 no nifarana tao amin’ny ENAP (Ecole Nationale d’Administration Pénitentaire) France ny fiofanana ho mpampiofana izay nandraisan’ ireo mpampiofana miisa 5 avy aty amin’ny ENAP Antetezambaro Madagascar.
➡️ Naharitra 10 andro izany fiofanana izany raha toa ka nanomboka ny 19 aprily 2022 lasa teo. Nifantoka tanteraka tamin’ ny lafiny fampiofanana izany fiofanana izany ( formation des formateurs ) ary namatsy ara-bola izany ny » Agence Française de Développement « tamin’ ny alalan’ ny tetikasa PAJMA (Projet d’Appui à la Justice à Madagascar ».
⭐ Antenaina fa hanamafy ny fahalalàna sy ny fahaiza-manaon’ izy ireo izany ka hanatsara sy hampivoatra hatrany ary hifanaraka amin’ny vanin’andro ankehitriny ny fampiofanana ao amin’ny ENAP Antetezambaro Madagascar.
👉 Anio 30 aprily 2022 izy ireo no hitodi-doha hiverina eto an- tanindrazana. Tolorana fisaorana noho izany ny « Agence Française de Développement » na AFD, ny PAJMA ary ny ENAP France noho ny fanohanan’ izy ireo tsy tapaka ny ENAP Madagascar.
📌 Marihina fa efa eo am-pamolavolana ny fifanaraham-piaraha-miasa (convention de jumelage ) ankehitriny ny tompon’ andraikitra eo anivon’ny ENAP FRANCE sy ny ENAP MADAGASCAR. Tanjona dia ny fanatsarana hatrany ny fitantanana sy ny fampiofanana ao amin’ny ENAP Antetezambaro Madagascar.
Fivoriana niarahan’ny Ministeran’ny Fitsarana tamin’ireo Mpiara-miombon’antoka sy ireo mpamatsy vola (Partenaires Technique et Financier).
📸 Pejy an-tsary 29 Aprily 2022
Fivoriana niarahan’ny Ministeran’ny Fitsarana tamin’ireo Mpiara-miombon’antoka sy ireo mpamatsy vola (Partenaires Technique et Financier) izay natao tao amin’ny Tranombokin’ny Ministeran’ny Fitsarana Faravohitra, notarihan’ny Sekretera Jeneralin’ny Ministera, R/Toa RABY Savatsarah.
✅ Nivory sy nifampidinika tamin’ireo mpiara-miombon’antoka sy ireo mpamatsy vola na PTF ny tompon’andraikitra isan-tsokajiny teto amin’ny Ministeran’ny Fitsarana androany 29 Aprily 2022 mba hampafantatra ny asa sy andraikitr’ireo mpiantsehatra tsirairay eto anivon’ny Ministera, ary koa ireo vinavina tiana ho tanterahana mba hahafahana mahita ny tena azo hanampiana ny Ministera.
➡️ Nandritra ny valan-dresaka tamin’ny mpanao gazety dia nitondra fanazavana ny Sekretera Jeneralin’ny Ministera, R/toa RABY Savatsarah niaraka tamin’ny Tale Jeneralin’ny Raharaham-pitsarana, ny Fandinihana ary ny Fanavaozana (DGAJER), R/toa RANDRIANARISOA RAKOTONDRAJERY Salohy ny anton’ny fivoriana ary ihany koa nanome fanazavana tsotsotra momba ny Sorampiakohonana, momba ilay filazana izay nivoaka amin’ny fandraisana mpiasa vaovao amin’ny alalànan’ny fifaninana hidirana ao amin’ny sekoly mpampiofana ho mpitsara sy mpirakidraharaha na koa ho mpandraharaha ny fonja. Teo ihany koa ny fanamarihana sy fitondrana fanazavana momba ireo raharaha niteraka resabe ao amin’ny tambanjotra sosialy na ilay resaka fanolanana na ilay fanimbana sekoly manarampenitra.
💡 Indro atolotra anao izany valan-dresaka izany.
Tetikasa RCIPED (Renforcement des Capacités Institutionnelles pour la Promotion de l’Etat de Droit)
⚖️ Tetikasa RCIPED (Renforcement des Capacités Institutionnelles pour la Promotion de l’Etat de Droit)
Fanamafisana ny fanohanana ny Fanjakana tsara tantana, fanajana ny Zon’Olombelona ary fametrahana ny Tany tan-dalàna.
✅ Mitohy ny fiaraha-miasa amin’ny PNUD. Notanterahana androany 27 Aprily 2022 tao amin’ny tranombokin’ny Ministeran’ny Fitsarana ny Fivoriana izay mahakasika ny tetikasa RCIPED na « Renforcement des Capacités Institutionnelles pour la Promotion de l’Etat de Droit » izay manana tanjona hametraka lamin-drafitra tsara fototra sy mirindra mba hahazoana fandraisan’andraikitrin’ny tsirairay ao anatin’ny fikarakarana ny fandaharan’asa.
⭐ Ity tetikasa RCIPED ity moa dia tetikasa izay tohanan’ny PNUD. Raha ho an’ny Fitsarana manokana dia miompana kokoa amin’ny fanatsarana ny tontolon’ny Fitsarana, fanamafisana ny tarigetran’ny Fitsarana manakaiky vahoaka ary ny fiadiana amin’ny kolikoly.
Nosokafan’ny Sekretera Jeneralin’ny Ministeran’ny Fitsarana, R/toa RABY Savatsarah tamin’ny fomba ofisialy ny fotoana.
Fanampiana ho an’ny fonjaben’ny Tsiafahy
⚖️ FANAMPIANA HO AN’NY FONJABEN’NY TSIAFAHY.
📌 Tonga nanatitra fanomezana ho an’ ny Fonjaben’ny Tsiafahy ny fikambanana “HASENE (TURC) sy MADRASSAH Ankadivato » androany 26 Aprily 2022 ho famaliana ny fangatahana natao. Fanampiana mba hanamaivanana ny vesatra mianjady ny fikarakarana ireo voafonja sy hanampiana amin’ny fitaovana hoenti-miasa no anton’izao.
➡️ Ireto avy no tolotra tamin’izany:
👉 Extincteur 01
👉 Haut-parleur 02
👉 Chaise fauteuil pour salle d’attente 01
👉 Loko (bid 30kg) 05
👉 Radio talky walky 04
👉 Vary (gony 50kg) 12
👉 Tsaramaso (gony 50kg) 01
👉 Tafo (3m) 20
👉 Ampoules LED Solaire rechargeable 120
👉 Arrosoires 08
⭐ Ny nandray an’ireo fanomezana tamin’ny anaran’ny Ministeran’ny Fitsarana moa dia ny Tale Jeneralin’ny Fandraharahana ny Fonja, A/toa IRAMANJAFINIMALO Rafaly Oméga niaraka tamin’ireo tompon’andraikitra ao amin’ny Fonjaben’ny Tsiafahy.
