Catégorie : Autres Evenements

📌Mitohy hatrany ny fanentanana arak’asa ataon’ny Birao Fandrindrana sy Fanaraha-maso ny Fitsarana sy ny Fonja (Bureau de Coordination et de Contrôle des Juridictions et des Etablissements Pénitentiaires na BCCJEP), ka ny mpiara-miasa teto amin’ny fonjamben’ny Tsiafahy indray no nisitraka izany anio 10 Aogositra 2022.
Notarihan’ny Mpandrindra R/toa RASOLONANAHARY Vololoniaina niaraka tamin’ireo mpiara-miasa akaiky aminy.

➡ Fivoriana, dinikasa fanentanana mba hamerenana indray ny haja sy ny hasin’ny Fitsarana amin’ny ankapobeny no tena vontoatin’ny fifampidinihana. Nohantitranterina fa ilaina ny manamafy ny ady amin’ny kolikoly, ny manaja ny asa, ny vahoaka, ireo voafonja ary koa ny tokony hanànana fitondran-tena mendrika hatrany.

⭕Ezaka iaraha-manao ny fampienàna ny taraina sy kiana mahazo ny fitsarana sy ny fandraharahana ny fonja.

📷 Pejy an-tsary 08 Aogositra 2022.

🇲🇬⚖ Fananganantsaina teto amin’ny Ministeran’ny Fitsarana Faravohitra izay notarihan’ny Sekretera Jeneralin’ny Ministera, R/toa RABY Savatsarah.
📌 Nandritra ny fandraisam-pitenenany no nanolorany sy niarahabana ireo olona nahazo fanendrena vaovao :
– Ny Filoha voalohan’ny Fitsarana Tampony
– sy ny Talen’ny Kabinetran’ny Ministra.

📌 Tonga nampivory ireo Mpandraharaha ny Fonja miasa eto amin’ny Fonjaben’Antanimora ny alarobia 03 Aogositra 2022 ny Mpandrindra ny Birao Fandrindrana sy Fanaraha-maso ny Fitsarana sy ny Fonja (Bureau de Coordination et de Contrôle des Juridictions et des Etablissements Pénitentiaires na BCCJEP) R/toa RASOLONANAHARY Vololoniaina niaraka tamin’ireo mpiara-miasa aminy akaiky. Fanatsarana ny fomba fiasa sy fihainoana ny olana sedraina sy hita eo amin’ny fanantaterahana ny asa ary indrindra fanamafisana ny ady amin’ny kolikoly no tanjona amin’izany.

📌 Araka ny vaovao niely mahakasika ilay raharaham-pitsarana fanolanana zaza tsy ampy taona ka navotsitra dia mitondra fanazavana ny Tonia Mpampanoa Lalàna.

➡ Araka ny andininy faha-8 ao @ lalàna 2016-018 mikasika ny fepetra sy paika arahina ampiharina amin’ny ankizy nanao heloka dia tsy misy andraikitra ara-keloka na responsabilité pénale ny zaza latsaky ny 13 taona. Tsy azo enjehina na raisina ho tompon’andraikitra ara-keloka araka ny paika ady heloka fa misy kosa ny fahafahana mangataka onitra eny @ Fitsarana ady madio.

Fampiharana ny Lalàna velona eto amin’ny tany sy ny firenena no natao ary nohazavaina tamin’ny manan-draharaha sy ny mpisitraka ny Fitsarana nandritra ny famoahana ny fanapahan-kevitra.

🎥 Atolotra anao ny fanazavana avy amin’ny sarin’ny TVM.

📌 Ho fanatanterahana ny Politikan’ny Fanjakana foibe amin’ny alalan’ny Ministeran’ny Fitsarana ny “FITSARANA MANAKAIKY VAHOAKA” dia nidina ifotony tao amin’ny Kaominina Ambanivohitra Ikalalao, Distrika Ambohimahasoa, Faritra Matsiatra Ambony, ny Fitsarana ara-bola Fianarantsoa (Tribunal Financier de Fianarantsoa) nanatontosa fampiofanana sy fanaraha-maso ny fanantanterahana ny teti-bola. Izany dia notanterahana ny 21 sy 22 jolay 2022 lasa teo tao amin’ny Lapan’ny tanànan’ny Kaominina Ikalalao.

➡ Tonga nanatrika izany fampiofanana izany :
👉 Ny ben’ny tanàna, ireo lefitrin’ny ben’ny tanàna, ny filohan’ny filan-kevitra kaominaly, ny mpanolon-tsainan’ny filan-kevitra kaominaly, ny mpiasan’ny Kaominina Ikalalao ;
👉 Ny chef de poste-n’ny Zandarimaria ;
👉 Ny lehiben’ny CSB II ao an-toerana ;
👉 Ny Chef Zap sy ireo Directeur-n’ny EPP sy CEG ;
👉 Ireo Sefo fokontany sy ireo lefitrin’ny Sefo fokontany ;
👉 Ireo mpikambana ao amin’ny fikambanana «Soa Maray Dia».

⭕ Fampiofanana momba ny :
👉 Andraikitra sahanin’ny Fitsarana ara-bola Fianarantsoa ;
👉 Famolavolana sy fifidianana ny teti-bolan’ny Kaominina ;
👉 Fomba fitantanana ny vola miditra sy ny vola mivoaka ao amin’ny Kaominina;
👉 Fangaraharana eo amin’ny fanantanterahana ny teti-bola eo anivon’ny Kaominina ;
👉 Fanaraha-maso eo amin’ny fanantanterahana ny teti-bola eo anivon’ny Kaominina.

✅ Nanatontosa ny fidinana ifotony:
🔹 RANDRIANARIVAHINY Dina Herimalala, Président du Tribunal Financier
🔹 RABEARISOA Rochel, Commissaire Financier
🔹 RAFITOHARSON Mandaniaina Michaël, Conseiller
🔹 RARIVOMANANTSOA Harivelo Tantely, Substitut.