Catégorie : Autres Evenements

📌 Tonga namaky ny fefin’ny fonjan’Ikongo vita amin’ny fanitso ireo andian’olona mpikomy, ka nanery ireo voafonja hivoaka ny toeran nitazonana azy ireo.
Tsy nisy ny fanoherana nataon’ireo mpiandry fonja araka ny toro-marika azon’izy ireo.
✔️ Marihina fa fonja vonjimaika izay natao tamin’ny fefy fanitso no nisy azy ireo, noho ny faharavan’ny fonjabe nandritra ny rivodoza Batsiray. Ary tsy nisy voafonja nitsoaka tao anatin’izay fotoana izay na dia efa nafindra in-telo aza izy ireo, noho ny fandraisana andraikitra nataon’ireo mpandraharahan’ny fonja.
🔷 Efa manomboka miverina tsikelikely eny anivon’ny fonja vonjimaika nitazonana azy sy ny tomponandraikitra ireo voafonja amin’izao fotoana izao, ary manomboka milamina ny toe-draharaha any an-toerana.
✈️ Nidina ifotony any Ikongo A/toa RAKOTOZAFY François, Mpitahiry ny Tombokasem-panjakana, Minisitry ny Fitsarana.

Notarihan’ny Mpitahiry ny tombokasem-panjakana, Ministry ny Fitsarana A/toaRAKOTOZAFY FRANÇOIS.
Nandritra ny fandraisam-pitenenany no nanambarany ny tokony haha-mailo hatrany ny rehetra amin’ny asa indrindra ireo mpiandry fonja, fa ny ratsy tsy kely lalana.

📌Nifarana anio 26 Aogositra 2022 ny fifaninana hidirana ho Mpitsara eo anivon’ny Sekolim-pirenena Mpampiofana ho Mpitsara sy Mpirakidraharaha (ENMG).

➡ Eo anatrehan’ireo vaovao maro samihafa miely dia mitondra fanazavana sy fanamarinana ny Tale Jeneralin’ny Sekoly, A/­toa RAMAROLAHIHAINGONIRAINY­ Anthony:
Voalohany mahakasika ilay mpianatra tratra dia nitondra “fiche” nangalana tahaka izy fa tsy nisy ny “fuite de sujet” akory, faharoa dia ny resaka sary laza-adina niparitaka tao anaty tamban-jotran-tseras­era, dia tao aorinan’ny fizarana ny laza-adina nandritra ny fanadinana no nisy namoaka, ary fahatelo farany, dia manamafy A/toa Tale Jeneraly fa ny laza-adina dia ny andro hanaovana ny fanadinana iny ihany no atao ny hakitsapaka ary izay vao hatonta “imprimena”, ka tsy misy na iza na iza mahafantatra izay ao ka izay no tsy nahalalàna ilay diso tsipelina.
Samihafa ny tompon’andraikitra eo amin’ny fikarakarana ny fanadinana; ao ny mpiandraikitra ny fanaraha-maso sy ny fizotran’ny fanadinana etsy ankilany, ary kosa ireo mpanara-maso ny fanomanana ny laza-adina etsy andaniny.

🎥🎤 Entina aminao ny fanazavana nataon’ny Tale Jeneralin’ny Sekolim-pirenena Mpampiofana ho Mpitsara sy Mpirakidraharaha, A/­toa RAMAROLAHIHAINGONIRAINY­ Anthony.

📌Manoloana ny vaovao izay miely mahakasika ny fifaninana hidirana ho Mpitsara ao amin’ny Sekolim-pirenena Mpanofana ho mpitsara sy Mpirakidraharaha (ENMG) etsy Tsaralalana, dia nanao fanambarana ny Tale Jeneralin’ny Sekoly, A/­toa RAMAROLAHIHAINGONIRAINY­ Anthony androany 25 Aogositra 2022 fa tsy marina velively izany.

⭕ Manentana ireo mpanao GAZETY hatrany izy mba hanao ny asany tsara sy ampahamendrehana ary araka ny tokony ho izy.
Mpiadina tratra nanao hosoka « fraude » nandritra ny fanadinana fifaninana natao, efa nanjanona tsy afaka manohy ny fanadinana intsony, ary mbola hisy ny fandraisana andraikitra hafa ho amin’izany.

🎥🎤 Atolotra anao ny fanambarana nataon’ny Tale Jeneralin’ny ENMG, A/­toa RAMAROLAHIHAINGONIRAINY­ Anthony.

Hitsidika ny Nosy Boraha Sainte-Marie ny Filoham-pirenena Andry RAJOELINA ny 20 sy 21 Aogositra ho avy izao. Ho firosoana amin’ny fanatanterahana ireo velirano nataony dia hisy fotodrafitrasa maromaro hotokanana mandritra izany, toy ny Birao vaovaon’ny Kaomisarian’ny Polisy, ny Fitsarana ambaratonga voalohany, ny lalana vita rarivato ao Analamboanio ary ny Biraon’ny Ofisim-paritry ny Fizahantany.