Catégorie : Autres Evenements

🔷FITSINJOVANA NY FAHASALAMANA.

📌Ny zoma 23 Septambra 2022 dia nanolo-tànana ny Sekolim-pirenena Mpanofana ho Mpandraharahan’ ny Fonja na “Ecole Nationale de l’Administration Pénitentiaire” ao Antetezambaro Toamasina II ny banky BOA Madagascar ka nanome fitaovam- pitsaboana sy fitaovam- piasana hoentina hampiodinana sy hanokafana toeram- pitsaboana vaovao.
➡ Tanjona apetraky ny ENAP ny fanatsarana hatrany ny fampiofanana. Vatana salama sy tomady anefa no afaka manaraka izany. Ka nametraka tanjona ny sekoly ny amin’ ny hanorenana toeram- pitsaboana hanarahana maso ny fahasalaman’ ny mpianatra sy ny mpampiofana raha sanatria tojo tsy fahasalamana. Ny ENAP rahateo miorina 17 km miala an’ i Toamasina I.

🔴 Mitentina 15 818 354 Ariary izany fitaovana izany ary tonga nanolotra izany an’ Atoa Tale Jeneralin’ ny ENAP, IAPC RAZAFINTSALAMA Désiré sy ny mpiara-miasa aminy ireo tompon’ andraikitra avy ao amin’ny BOA Toamasina.

⭕Nisaotra azy ireo tamin’ny anaran’ ny Ministeran’ny Fitsarana ny Tale Jeneralin’ ny ENAP. Antenaina fa hanamora ny fandraisana an- tanana ny fitsaboana ny mpiofana ao amin’ny ENAP izany rehetra izany.

📌Eo hanatrehan’ilay hetsika fanomezana kopia sy karampanondrom-piren­ena maimaimpoana dia manitikita ny olona, indrindra ny sendikalin’ny Mpitsara ny momba azy io.
Nanamafy ny Sekretera Jeneralin’ny Ministeran’ny Fitsarana R/toa RABY Savatsarah fa tsy misy ambadika politika ilay hetsika na koa fanenjehana fifidianana fa fitsinjovana ny vahoaka Malagasy no tena tanjona mba hisitraka ny zo maha-olom-pirenena azy ny tsirairay avy. Ao anatin’ny fotoana fanavaozana na « refonte » ny lisitry ny Mpifidy izay tokony atao isaky ny 10 taona ihany koa isika izao ka tsy maintsy natao amin’ity taona 2022 ity izany. Ka manentana an’ireo mpitsara namana rehetra ny Sekretera Jeneraly mba tsy hanao hantoka ny fiainam-bahoaka fa mba hiara-hiasa hatrany ho an’ny tombontsoan’ny vahoaka.

⭕Raha ny momba ilay raharaha Ikongo kosa dia eo amin’ny 98 ireo voafonja no efa tafaverina ao am-ponja amin’izao fotoana izao ary 60 kosa no mbola tadiavina.

🎥🎤Mitondra fanazavana ny Sekretera Jeneralin’ny Ministeran’ny Fitsarana, R/toa RABY Savatsarah.

📌Ao anatin’ny fitsidihana ofisialy ataon-dRamatoa MULUKA Anne Miti-Drummond, manam-pahaizana manokana mikasika ny fisitrahan’ireo olona tratran’ny “albinisme” ny zon’olombelona avy eo anivon’ny Firenena mikambana eto Madagasikara dia nisy ny fihaonana nataony tamin’ireo tompon’andraikitra eo anivon’ny Ministeran’ny Fitsarana izay notarihan- dR/toa RABY SAVATSARAH Ain’Harimanga, Sekretera Jeneralin’ny Ministeran’ny Fitsarana , anio 21 septambra 2022 teto Faravohitra.

✅ Fizarana ireo fanao tsara na “bonnes pratiques” ka mety hanampy an’I Madagasikara amin’ny fiatrehana ireo fanohintohinana ny zon’ireo sokajin’olona ireo no anisan’ny anton’ny fihaonana ary nomarihany ihany koa ny finiavany hanampy .

⭕Marihana moa fa efa nisy ny fandraisana andraikitra teo ambany fitarihan’ny Ministeran’ny Fitsarana miaraka amin’ny avy eo anivon’ny Kaomisaria Ambony misahana ny zon’olombelona na ny HCDH sy UNICEF ary ireo mpisehatra eo anivon’ny Governemanta voakasika mivantana amin’ny raharaha fanohintohinana ny zon’ireo olona tratran’ny “albinisme” tamin’ny fiandohan’ny volana Mey ary anisan’ny fepetra noraisina tamin’izany ny tsy maintsy hanaovana fandinihana ( étude) mikasika ny mombamomba ireo olona tratran’ny “albinisme” toy ny taha mihoatra amin’ny isan’ny mponina, ny faritra tena misy tranga, ny antony…. Izany moa dia mba hahafahana mametraka paik’ady sy drafitr’asa mahomby entina hiarovana ireo sokajin’olona ireo.

Efa eo andalam–panatanterahana izany fandinihana na “étude” izany ankehitriny ary hivoaka tsy ho ela ny vokany.
➡ Maro ireo teboka nodinihana izay mizotra mankany amin’ny fiarovana ireo olona tratran’ny “albinisme”.
Nanambara ny fahavononany hanampy an’i Madagasikara amin’ny hetsika hiadiana amin’izao tranga mampalahelo izao moa ny tenany.
• Olombelona tahaka ny olombelona rehetra ny olona tratran’ny “albinisme” ka mendrika hisitraka ny zo rehetra hananan’ny olombelona.
• Tsy mamindra ny “albinisme”
• Tsy tokony hisy ny fanavakavahana sy fanilikilihana eo amin’ny fiaraha-monina
• Enjehin’ny lalàna manankery ny fanaovana herisetra @ endriny rehetra
• Diso tanteraka ny finoana fa misy hery hafa ny olona tratran’ny “albinisme” .

⭕ Nanomboka anio 12 septambra 2022 eto Morondava ny fanohizana ny lahadinika momba ny hampidirana ny taranja mahakasika ny “ady amin’ny kolikoly sy ny ady amin’ny fitrandrahana tsy ara-dalàna ny harem-pirenena” ao anatin’ny fandaharam-pianarana hoan’ireo mpianatra ho mpitsara. Izany dia tafiditra indrindra amin’ny tetikasa vatsian’ny vahoaka amerikana vola ary ahitana ny fandraisana anjaran’ny Sekolim-pirenena Mpampiofana ho Mpitsara sy ho Mpiraki-draharaha, ny Ministeran’ny tontolo iainana sy ny fandrosoana lovain-jafy, ny BIANCO, ny WWF, ny Transparency International Initiative, ary ny Alliance Voahary Gasy.

➡ Haharitra dimy (05) andro izao atrikasa izao ary hamoahana volavolam-pandaharam-pampianarana
mahakasika ny lohahevitra voalaza etsy ambony sy torolalana ho an’ny mpampiofana.

⚖ Atrikasa notontosaina tao @ LIVE HOTEL mahakasika ny Fanehoana an-tsaritany ireo risika amin’ny kolikoly mifandraika amin’ny rafi-pitantanana eo anivon’ny Fonjaben’Antanimora (Cartographie des risques relatifs au système de gestion de la Maison Centrale d’Antanimora). Natrehin’ireo mpisehatra rehetra teto anivon’ny Ministeran’ny Fitsarana sy ny Birao Mahaleotena Iadiana amin’ny Kolikoly (BIANCO).