Catégorie : Autres Evenements

📌 Notanterahina ny Zoma 17 Martsa 2023 tamin’ny 10 ora maraina teo ny fotoam-pitsarana manetriketrika famaranana ny taom-pitsarana 2022 ary fanombohana ny taom-pitsarana 2023 tao amin’ny Fitsarana Ambaratonga Voalohany tao Antsohihy. Fotoana ihany koa nanaovana ny tomban’ezaka.

⭕ Raha ny salan’isa an’ireo asa rehetra natao ny taona 2022, dia 60% mahery kely ny ambany indrindra ny asa vita amin’ny ankapobeany, ary maro ireo karazan’asa nihoatra ny 80% no vita ary nisy ny nahazoana vokatra 100% mihitsy.

⭕ Raha mahakasika ny « ratio condamnés/prévenus » dia 74,09% /25,91%. Tratra ny tanjona napetraka ny Ministeran’ny Fitsarana izay 70% / 30%.

⭕Raha ny ady amin’ny Kolikoly sy ireo mpijirika dia 14 no tratra ambodiomby sy niaky ny helony ary voasazy avokoa.
♦️Hitohy ny ezaka ary ho hatsaraina ireo salan’isa ireo amin’ity taona 2023 ity.
♦️ Marihina fa Mpitsara 2 sy Mpirakidraharaha 12 no ao amin’ny Fampanoavana (Parquet) , ary 2 kosa no ao amin’ny Mpamoaka didy (Siège) no eto Antsohihy.

📌 Nifarana androany ny atrik’asa izay nokarakarain’ny Ministeran’ny Fitsarana sy ny Fitsarana Tampony izay niarahana tamin’ny Fitsarana Ambony Antananarivo sy ny Fitsarana Ambaratonga Voalohany ao anaty fari-piadidiany , ny Fitsarana manokana misahana ny Ady amin’ny Kolikoly, ny Fitsarana misahana ny ady ifanaovana amin’ny fanjakana ary Fitsarana ara-bola.

⭕ Tanjona ny hamerenana ny hasin’ny Fitsarana, ho Fitsarana manakaiky vahoaka sy miady amin’ny kolikoly, izay voalaza ao @velirano faha-telon’ny Filoham-pirenena.
Mila havaozina ny fomba fiasa, sy mila mitovy ny fomba fijery mba hanatrarana izany vina sy tanjona Hapetraky ny Ministera izany.

🔷 Ny maraina dia niaraka tamin’ireo Mpirakidraharaha sy ireo « personnel d’appuis » eto anivon’ny Fitsarana Ambaratonga Voalohany, ny Fitsarana Misahana ny ady ifanaovana amin’ny fanjakana ary ny eo anivon’ny fitsarana ara-bola ny delegasiona mafonja avy amin’ny Ministera FOIBE izay notarihin’ny Sekretera Jeneralin’ny Ministeran’ny Fitsarana R/toa RABY SAVATSARAH AIN’HARIMANGA.

🔷 Ny folak’andro kosa dia niaraka tamin’ireo Mpirakidraharaha eo anivon’ny Fitsarana Ambony sy eo anivon’ny Fitsarana manokana misahana ny Ady amin’ny Kolikoly ny delegasiona.

🔷FAMPIOFANANA IREO INFIRMIERA EO ANIVON’IREO TOERAM-PAMONJANA ETO MADAGASIKARA.

📌 Anatin’ny fanatanterahana ny velirano faha 5-n’ny Filoham-pirenena (Fahasalamana ho an’ny rehetra, sy ho amin’ny taona rehetra), dia nisy ny fampiofanana ireo infirmiera miasa eny anivon’ireo toeram-pamonjana eto Madagasikara. Izany dia anatin’ ny fanatanterahina ireo asan’ny Tetikasa MIKOLO AINA (Douleurs Sans Frontières), izay vatsian’ny Agence Française de Développement vola, amin’ny alalan’ny Fandaharan’asa FANARENANA eto anivon’ny Ministeran’ny Fitsarana .

Izao fampiofanana izao dia ho fanatrarana ihany koa ny tanjon’ny Ministeran’ny FItsarana : « actions 174 et 175 » izay mikendry ny fanatsarana hatrany ny tontolon’ny Fandraharahana ny Fonja, amin’ny alalan’ny fanomezana fiofanana mitohy na « formation continue » manaraka ny fiovan’ny teknika fandraisana marary sy ny filan’ny tolotra ara-pahasalamana , mba hisian’ny fandraisana an-tanana ara-pahasalamana manara-penitra ho an’ireo voafonja.

Intelo miantoana ny fiofanana, ka ireo infirmiera miisa telo amby efapolo (43) miasa anatin’ny faritra Analamanga, Atsinanana, Analanjirofo, Vakinankaratra no misitraka izao fiofanana voalohany izao. Eto Toamasina no hanatanterahina ity fiofanana andiany voalohany ity. Maharitra valo andro ny fiofanana ka ny enina andro hanamafisana ny fahaiza-manao ara-tsoratra na « théorie », ary ny roa andro dia hifantohana amin’ny fampiharana na « pratique ». Iarahana miasa amin’ny Fitaleavan’ny ivon-toeram-pampiofanana ireo infirmiera sy mpampivelona eto Madagasikara/ Ministeran’ny Fahasalamam-bahoaka izao fiofanana izao.

Hisy ny fiofanana andiany faharoa any amin’ny faritra Toliary amin’ny volana may ho avy izao, ary any Mahajanga no mamarana ny andiany fahatelo, izay atao amin’ny volana jiona.

⭐Tonga nanokatra tamin’ny fomba ofisialy izao fiofanana izao ny Talé misahana ny maha-olona sy ny fanomanana ny fiverenan’ny voafonja eny anivon’ny fiaraha-monina (DHDPRS) ao amin’ny Ministeran’ny Fitsarana izay nisolotena ny Tale Jeneralin’ny Fandraharahana ny Fonja, izay notronin’ny Mpandrindra ny Fandaharan’asa FANARENANA, ny Talé-paritry ny fandraharahana ny Fonja eto Atsinanana, ary ny Talé-paritry ny Fahasalamam-bahoaka Atsinanana.

📌Nandritra ny fitsidihan’ny delegasiona mafonja avy amin’ny Ministeran’ny Fitsarana ny Fonjaben’ny toliara izay notarihan’ny Mpitahiry ny tombokasem-panjakana­­, Ministry ny Fitsarana, A/toa RAKOTOZAFY François dia nihaino ireo olana sedrain’ireo voafonja sy ny mpandraharan’ny fonja izy, ary nitondrany vahaolana izay azo tanterahana tsara.

🔴Tsy azo lavina fa tsy mifanaraka amin’ny tokony ho izy ny zava-misy iainana na eo amin’ny lafiny ara-fotodrafitr’asa,­ na ara-pitaovana na arak’olona nefa dia Tena azo tsapain-tanana ny ezaka satria nahatratra ny tanjona izay napetraky ny Ministera izy ireo amin’ny salanisan’ny olona voatsara sy ny mbola miandry fitsarana.

🎥Mitondra fanazavana A/­toa RAKOTOZAFY François, Mpitahiry ny Tombokasem-panjakana­, Ministry ny Fitsarana nandritra ny tafa tamin’ny mpanao gazety.

📌Tontosa ny zoma 03 Febroary 2023 ny fanambaram-pananana nataon’ireo tompon’andraikitra teo anivon’ny Fandraharahana ny Fonja izay notarihin’i Tale Jeneralin’ny Fonja, A/toa RANDRIANANDRASANA Désiré sy ireo Mpiara-miasa aminy (Tale sy Lehibe isan-tsokajiny).

✅Porofo hita maso amin’ny finiavana hiady amin’ny kolikoly eo amin’ny fonja sy ny tontolony moa izao satria dia miainga avy any ambony tokoa ny ohatra tsara ho tahafina.

⭕Manentana hatrany ireo mpandraharahan’ny fonja rehetra mba samy haneho finiavana sy hifanentana amin’ity ady amin’ny kolikoly ity.