Catégorie : Autres Evenements
AFAP « Association des Femmes de l’administration Pénitentiare »:Tanteraka ny fivoriana voalohany tamin’ny taona 2023 ity.
📌 Ny Zoma 09 Jona 2023, teto Soavimbahoaka no nanaovana ny fivoriana voalohany, niarahan’ny Vehivavy Mpandraharahan’ny Fonja sy ny Fikambanan’ny Vehivavy vadin’ny Mpandraharahan’ny Fonja.
➡ Ankoatry ny dinidinika natao hanatsarana ny fifandraisana sy ny Fikambanana, dia tamin’io andro io ihany koa no nanaovan’izy ireo ny fanamarihana ny fetin’ny Reny. Tamin’ny endrika fitsangatsanganana no nanatontosana ity fihaonana voalohany, ho an’ny taona 2023 ity.
ENMG
📌 Notontosaina ny O2 jona 2023 tao amin’ny Novotel Ivandry ny fanolorana amin’ny fomba ofisialy ireo taranja 3: Ady amin’ny kolikoly, Ady amin’ny kolikoly mifandray amin’ny fitrandrahana zavaman’aina voaaro, Ady amin’ny famotsiam-bola sy ny asa fampihorohoroana.
➡ Ireo taranja ireo dia tafiditra ao anatin’ny fanatsarana ny fandaharam-pampianarana hoan’ny mpianatra ho mpitsara ary vokatrin’ny fiaraha-miasan’ny Ministeran’ny Fitsarana niaraka tamin’ny Ministeran’ny tontolo iainana sy ny Fampandrosoana lovain-jafy, ny WWF, ny Birao Maleo tena misahana ny ady amin’ny kolikoly, ny SAMIFIN, ny TRAFFIC sy ny manam-pahaizana manokana mahakasika ny lohahevitra.
Ireo taranja ireo dia voarakitra anaty boky ka ho zaraina amin’ireo mpianatra ho mpitsara. Izany no tontosa dia noho ny fanohanan’ny vahoaka amerikana (USAID).
MPANDRINDRA NASIONALIN’NY TENDRO HIADIANA AMIN’NY KOLIKOLY PAC : Nivoaka ny tatitra ho an’ny asa vita taona 2022.
🎤 Resadresaka nataon’ny Mpanao gazety tamin-dRamatoa RABARIJOHN Rivonandrianina, Mpandrindra Nasionalin’ny Tendro hiadiana amin’ny Kolikoly na PAC.
🎥 Manasa anao.
FIARA ZO : AMBONDROMAMY sy MAMPIKONY.
Ny raharaha mahakasika ny ady tany no tena maharary ny vahoaka, raha Ambondromamy sy Mampikony no atao fintina fohifohy nandritra ny fandalovan’ny FIARA ZO.
🎤 Ny Tafatafa nifanaovan’ny Mpitahiry ny Tombokasem-panjakana,
Ministry ny Fitsarana, Ramatoa RANDRIAMANANTENASOA Landy Mbolatiana tamin’ny Mpanao gazety teny an-toerana.
🎥 Manasa anao ary.
ENMG: Tsy misy ahiahiana ny fifaninana hidirana ho mpianatra Mpirakidraharaha.
🎥 Mitondra fanazavana momba ny fikarakarana ny fifaninana hidirana ho mpianatra mpirakidraharaha ny Tale jeneralin’ny Sekolim-pirenena Mampiofana ho Mpitsara sy Mpirakidraharaha (Enmg) A/toa RAMAROLAHIHAINGONIRAINY Anthony.
📌Tsy misy tokony ahiahiana hoy izy ny momba ny fifaninana fa hisy ary ho ambara eo ihany ny fotoana ho anaovana izany.