Catégorie : Annonces et Informations

📌 Indro ary entina amintsika indray amin’ity herinandro ity ireo tsara ho fantatra mikasika ny atao hoe fananganana sy ny fianahana izay anisan’ireo trangam-piankohonana­ ka manova ny fiankohonan’ny olona iray.

🔷 NY FANANGANANA (ADOPTION):
👉 Miteraka zo sy adidy eo amin’ny mpanangana sy ny atsangana.
👉 Misy karazany roa ny fananganana: ny fananganana tsotra sy ny fananganana feno na ara-pitsarana.

➡️ Ny fananganana tsotra dia soratra manan-kery eo anatrehan’ny lalàna, hamoronana fifandraisana ara-pianakaviana eo amin’olon-droa tsy misy rohim-pihavanana, na hanamafisana fifandraisana eo amin’olon-droa izay efa mpihavana na efa misy rohim-pihavanana.
🔺 Ny fananganana tsotra izany dia tsy manapaka ny rohim-pihavanana nisy teo amin’ilay mpanangana sy ilay natsangana raha toa ka mpihavana izy ireo.
🔺Ny fananganana tsotra dia atao eo anatrehan’ny Mpiandraikitra ny fiankohonana eo amin’ny toeram-ponenana mahazatra an’ilay mpanangana ;

⭐ Porofon’ny fananganana tsotra : sora-pananganana tsotra (acte d’adoption simple) ataon’ny mpiandraikitra ny sora-piankohonana

➡️ Ny fananganana feno na ara-pitsarana dia fomba iray nofaritan’ny lalàna ahafahana mametraka ny fianahana ara-dalàna eo amin’ny mpanangana sy ny atsangana, izay manome an’ity farany ny toetra maha zanaka ara-dalàna.
🔺 Tapaka tanteraka ny fianahana eo amin’ilay zaza izay natsangana feno sy ireo ray aman-dreny niteraka azy.
🔺 Ny fananganana feno dia ambara amin’ny alalan’ny didim-pitsarana.
🔺 Ny didim-pitsarana raikitra dia entina hanaovana ny fandikana ao amin’ny bokim-piankohonana (transcription) any amin’ny kaominina nahaterahan’ilay zaza atsangana. Ny sora-pahaterahana teo aloha an’ilay zaza natsangana dia misolo vaovao tanteraka.

⭐ Porofon’ny fananganana feno : sora-pananganana feno (acte d’adoption plénière) sy ny sora-pahaterahana vaovao ary ny soratra an-tsisiny amin’ny sora-pahaterahana taloha an’ilay natsangana.

🔷 NY FIANAHANA (FILIATION):
👉 Ny fianahana dia ilazana ireo loharano nipoiran’ny olona iray: ny ray sy ny reny.
⭐Avy amin’ny RENY dia ny fiterahana no manaporofo izany.
⭐Avy amin’ny RAY kosa dia ny fanambadiana, ny fanjanahana na ny fanambarana ara-pitsarana (déclaration judiciaire de paternité) no porofony.

Hamaranantsika ity fampahafantarana lalàna vaovao laharana 2018-027 tamin’ny 08 febroary 2019 mifehy ny fiankohonana ity amin’ny herinandro dia ny mikasika ny fanariana anaka (rejet) sy ny fanjanahana (reconnaissance)

⚖️ Miarahaba,
✔️Mirary soa,
⭐Hahaleo, hahalasana,
📌Hihary hasina,
⚖️ Ny Mpitahiry ny Tombo-kasem-panjakana Minisitry ny Fitsarana, vaovao,
➡️ Le Garde des Sceaux, Ministre de la. Justice (GSMJ)
👉 Atoa RAKOTOZAFY François

👉 Indro ampahafantarina antsika mpanaraka ny pejy, mandritra ny herinandro maromaro ny mikasika ny lalàna vaovao momba ny fiankohonana (état civil).

📌 Raha ny lalàna laharana 61-025 tamin’ny 09 oktobra 1961 no nifehy ny fiankohonana hatramin’izay, dia niova ho ny lalàna vaovao laharana 2018-027 tamin’ny 08 Febroary 2019 no mifehy izany manomboka izao.

⭐ IRETO AVY IREO TOKONY HO FANTANTSIKA MIKASIKA NY FIANKOHONANA SY IREO FANOVANA NENTIN’NY LALANA VAOVAO MIKASIKA IZANY :
🔶 1- Inona no atao hoe fiankohonana (état civil) ?
🔹Ny fiankohonana dia fitambarana singa hamantarana olona iray sy ny toerana misy azy eo anivon’ny fianakaviana sy fiaraha-monina, izay mamaritra ny fahafahany manao sy ny fahazoany manatontosa soratra araky ny lalàna.
Ohatra : teraka, manambady, maty vady, nisara-bady, maty ….

🔶 2- Inona indray no antsoina hoe sora-piankohonana (acte d’état civil) ?
🔹Ny sora-piankohonana dia soratra iray izay aneken’ny manam-pahefana ara-panjakana amin’ny fomba toavina ho misy ny trangan-javatra iray izay iankinan’ny mombamomba ny olona iray.

🔶 3- Inona no ilàna ny bokim-piankohonana (livret de famille) ?
🔹Bokim-pianakaviana no tena ahalalan’ny maro azy,
🔹Hanoratana sy handikàna isaky ny vanim-potoana sy isan-taona ny fanambarana ny sora-piankohonana voaray,
🔹Hametrahana ireo filazana an-tsisiny araky ny fotoana voatondro hanoratana azy ao anatin’ny sora-piankohonana,
🔹 Porofo aseho rehefa hikarakara taratasy ara-panjakana

🔶 4- Inona no atao hoe trangam-piankohonana (faits d’état civil) ?
🔹Ny trangam-piankohonana dia ireo zava-miseho mandritra ny fiainan’ny olona iray izay mety hanova ny fiankohonany.
👉 Ireto avy ireo karazana trangam-piankohonana:
– ny fahaterahana (naissance),
– ny fahafatesana (décès),
– ny fanambadiana (mariage),
– ny fisaraham-panambadiana (divorce),
– ny fananganana (adoption),
– ny fianahana (filiation),
– ny fanariana (rejet),
– ny fanjanahana (reconnaissance)

📌 Hojerentsika tsirairay indray ny mikasika ireo trangam-piankohonana ireo amin’ny herinandro
✔️ Natolotry ny Sampandraharan’ny Fanapariahana Lalàna (Service de la Vulgarisation Juridique) ao amin’ny Foibem-pitondrana Fandinihana sy Fanavaozana Lalàna (Direction des Etudes et des Réformes Législatives – DERL) eto amin’ny Ministeran’ny Fitsarana.

⚖️ Ny Ministeran’ny Fitsarana dia,

🔹Mankahery indrindra ireo tompon’andraikitra isan-tsokajiny, eny anivon’ny Fitsarana isan’ambaratonga sy ny Fonja ary ireo Fitaleavam-paritry ny Fandraharahana ny Fonja (DRAP), amin’ny Faritra rehetra nolalovan’ny rivodoza « Emnati ».