Catégorie : Annonces et Informations
Fanondranana volamena an-tsokosoko: Olona 8 naiditra MD
Mandray ny andraikiny ny Fitsarana , mikasika ilay fanondranana volamena an-tsokosoko milanja 73,5 kg tratra tatsy Afrika Atsimo. Naharitra 2 andro mahery ny Famotorana natao teny anivon’ny PAC etsy 67 Ha, ka tamin’ny 3ora sy sasany maraina vao vita izany androany alahady 10 janoary 2021.
Vokany: olona 8 tamin’ireo olona am-polony mahery nohenoina voalohany no naiditra am-ponja vonjimaika (MD). Lehilahy 7 any Tsiafahy ary vehivavy iray etsy Antanimora.
Karazan’olona maromaro izy ireo: olon-tsotra voarohirohy ka voasambotra teto Madagasikara, tompon’andraikitra eo anivon’ny ACM, ary tompon’andraikitra eo anivon’ilay kaompaniam-pitanterana an’habakabaka tsy miankina.
Karazan-keloka sy liham-piampangana maro no anenjehana azy ireo. Ohatra: ny fandikan-dalàna momba ny fadin-tseranana, fandikan-dalàna mifehy ny harena an-kibon’ny tany, fanaovana hosoka amin’ny taratasim-panjakana, fanaovana kolikoly na mivantana na an-kolaka, fanondranana volamena an-tsokosoko.
Tsy mijanona hatreo ny raharaha fa mbola mitohy ny fanadihadiana. Fantatra ihany koa fa efa mandeha ny fangatahana ny fanolorana olona enjehina ara-pitsarana (demande d’extradition) ho an’ireo olona mbola tazonina atsy Afrika Atsimo.
Ny Ministeran’ny Fitsarana no nanao ny fangatahana ary mampita izany amin’ny Ministeran’ny Raharaham-bahiny, ity farany no mandefa azy any amin’ny Masoivoho izay mampita izany amin’ny Fanjakana Afrikana Tatsimo.
COMMUNICATION
Fiofanana arak’asa ao Antanimora : Voafonja vavy 30 sy voafonja lahy tsy ampy taona miisa 18 nahazo mari-pahalalana
![](http://www.justice.mg/wp-content/uploads/2021/01/f1.jpg)
![](http://www.justice.mg/wp-content/uploads/2021/01/f2.jpg)
![](http://www.justice.mg/wp-content/uploads/2021/01/f3.jpg)
![](http://www.justice.mg/wp-content/uploads/2021/01/f4.jpg)
![](http://www.justice.mg/wp-content/uploads/2021/01/f5.jpg)
![](http://www.justice.mg/wp-content/uploads/2021/01/f6.jpg)
![](http://www.justice.mg/wp-content/uploads/2021/01/f7.jpg)
![](http://www.justice.mg/wp-content/uploads/2021/01/f1.jpg)
![](http://www.justice.mg/wp-content/uploads/2021/01/f2.jpg)
![](http://www.justice.mg/wp-content/uploads/2021/01/f3.jpg)
![](http://www.justice.mg/wp-content/uploads/2021/01/f4.jpg)
![](http://www.justice.mg/wp-content/uploads/2021/01/f5.jpg)
![](http://www.justice.mg/wp-content/uploads/2021/01/f6.jpg)
![](http://www.justice.mg/wp-content/uploads/2021/01/f7.jpg)
Sekolim-pirenena ho an’ny Mpitsara sy Mpiraki-draharaha : Fifaninanana roa no tanjona amin’ny 2021
Vonona tanteraka ny eo anivon’ny Sekolim-pirenena ho an’ny Mpitsara sy Mpiraki-draharaha (ENMG) amin’ny fandaharan’asa 2021. Tanjona voalohany ny fikarakarakana ny fifaninanana miisa 2 hidirana etsy Tsaralalàna. Ny voalohany dia amin’ny enim-bolana hiandohan’ny taona ho avy, ary ny faharoa kosa dia mandritra ny enim-bolana farany. Tombana sy vina ny handray mpianatra 150 ka ny 100 Mpitsara ary 50 Mpiraki-draharaha mandritra ny fifaninanana voalohany.
Miankina amin’ny toe-draharaha ara-pahasalamana toa ny krizy ateraky ny valanaretina Covid-19 sy ny hoenti-manana ny fanatanterahana ireo fifaninanana ireo sy ny isan’ny ho raisina. Nivoitra io androany maraina nanditra ny valan-dresaka ho an’ny mpanao gazety, notarihin’ny Tale Jeneralin’ny sekoly niaraka tamin’ireo mpiara-miasa aminy, tetsy amin’ny ENMG Tsaralalàna.
Niompana tamin’ny fanaovana ny tatitra 2019-2020 sy ny fampahafantarana ny fandaharan’asa 2021 ny fihaonana. Momba ireo raharaha teo aloha nahavoasaringotra mpiasa noho ny kolikoly, dia efa eny anivon’ny BIANCO ny fanadihadiana sy ny tohiny.