Catégorie : Actualités

📌Alakamisy, faha 13 jona 2024, tao amin’ny FJKM Ziona vaovao teto Mahajanga.
◽Niara-niombom-bavaka tamin’ny Kristianina tao amin’ny fiangonana
FJKM Ziona Vaovao eto Mahajanga, ny Mpitahiry ny Fitombokasem-panjakana, Minisitry ny Fitsarana, Ramatoa RANDRIAMANANTENASOA Landy Mbolatiana sy ny mpiara-miasa aminy.

⭕Taorian’izany dia nisy fanapariahana lalàna, entina hanampiana ny Kristianina sy ahafahan’izy ireo handray andraikitra manoloana ny tranga mety hiseho manoloana ireo lalàna manan-kery.

⭕Nanokatra ny famelabelarana, noho izany, Ramatoa Ministra RANDRIAMANANTENASOA Landy Mbolatiana, ka nolazainy fa zava-dehibe ny fanentanana toy izao, indrindra amin’izao « iray volan’ny ankizy » izao. Ka lalàna roa no nentina nampahafantarina.

➡️Teo ny lalàna mifehy ny Fianakaviana ka notsongaina manokana ny mahakasika ny tolotra na « donation » sy mahakasika ny fandovàna na « successions ».

➡️Manaraka izany ny lalàna vaovao laharana faha 2024-001 tamin’ny 26 Febroary 2024 manova sy manitsy ny andininy ao amin’ny Fehezan-dalàna famaizana momba ny fanolanana. Ity lalàna ity dia natao indrindra mba hiarovana ny ankizy, izay lalàna nametraka ny sazy alàlana famosirana, na ny « castration chirurgicale ».

✅Tamin’ny famaranana dia nozaraina takilakely mirakitra izany lalàna mahakasika ny tolotra sy ny fandovana ireo Kristiana tonga tao.

⚖️ FAMORIANA NY LEHIBEN’NY SAMPAM-PITSARANA MOMBA NY ADY IDANAOVAN’NY OLON-TSOTRA AVY AMIN’NY FARITANY MAHAJANGA SY ANTSIRANANA HO FANATSARANA NY FAHAIZA-MITANTANA, ARY FAMPITAOVANA NY FITSARANA AMBONY ETO MAHAJANGA.

📌Taorian’ny fihaonana izay natomboka tany amin’ny Faritany Fianarantsoa sy Toliara dia nosokafan’ny Mpitahiry ny Tombokasem-panjakana, Minisitry ny Fitsarana, Ramatoa RANDRIAMANANTENASOA Landy Mbolatiana tamin’ny fomba ofisialy anio alarobia faha 12 Jona 2024 eto Mahajanga ny fihaonamben’ny Lehiben’ny Sampam-pitsarana momba ny ady ifanaovan’ny olon-tsotra avy amin’ny Faritany Mahajanga sy Antsiranana.

⭕Lohahevitra maro no ho velabelarina sy hifanakalozan’ny mpandray anjara hevitra mandritry ny telo andro.

✅Ny tanjona amin’izany dia :
– ny fanatsarana ny kalitaon’ny asam-pitsarana atolotra ny vahoaka manan-draharaha amin’ny fananana rafi-pitsarana izay tsy maintsy miantoka fitsarana mangarahara, tsy mitongilana ary haingam-piasa.
– ny fanamafisana ny fahaiza-mitantan’ireo Lehiben’ny Sampam-pitsarana.

➡️Namafisin’ny Ministry fa ny Fitsarana dia sampan-draharaha manome tolotra ny vahoaka ka anjaran’ny Lehiben’ny Fitsarana no maka ny fepetra hanafaingana ny fitsarana ny raharaha sy mba hanakaiky ny vahoaka ary mampanaraka ireo politika napetraky ny Minisitera foibe hahatratrana izany tanjona izany. Tsy mijanona amin’ny asam-pitsarana andavanandro ihany mantsy ny Lehiben’ny Fitsarana fa manana andraikitra fitantanana ihany koa.

🔄Ny fanatanterahana ity fivoriambe ity dia vokatry ny fiaraha-miasan’ny Ministeran’ny Fitsarana sy ny PNUD, izay mpiara-miombon’antoka.

🎁Noho ny tsy fahampiana ara-pitaovana misy eo amin’ny fari-piadidian’ny Fitsarana Ambony eto Mahajanga dia nanolotra solosaina miaraka amin’ny fampitaovana feno miisa 13 miaraka amin’ny « photocopieuse » iray ho an’ity Fitsarana Ambony ity ihany koa ny Minisiteran’ny Fitsarana tarihin-dRamatoa Ministra ho fampandehanana ny raharaha sy fanafainganana ny fitsarana izany.

⭕Izao hetsika rehetra notanterahina an’io izao dia tafiditra hatrany ao anatin’ny politika ankapoben’ny Fanjakana izay manome lanja ny maha olona (Andry voalohan’ny Filoham-pirenena) sy ny Fanjakana tsara tantana (Andry fahatelo) ary ny ady amin’ny kolikoly.

🎥 Anio, 12 jona 2024

📌Sabotsy 08 Jona 2024, Efa maro ireo rantsam-pitsarana sy fonja notsidihana ka tsy diso anjara ny eto Ambatolampy.

➡️Tonga teto ny Mpitahiry ny Fitombokasem-panjakana, Minisitry ny Fitsarana, Ramatoa RANDRIAMANANTENASOA Landy Mbolatiana niaraka tamin’ireo mpiara-miasa avy eny amin’ny Ministera nanolotra fitaovana sy fitafiana ho an’ireo ankizy voafonja miisa 11 hanala fanadinana CEPE, ary bodofotsy sy boky ary baolina ho an’ny ankizy rehetra voafonja ao Ambatolampy. Notokanana ihany koa ny toeram-pilalaovam-baolina vaovaon’ny fonja. Izao hetsika izao Dia nentina nanamarihana hatrany ny Iray Volan’ny Ankizy izany, izay manan-jo hianatra sy hahazo fanabeazana ary hiala voly.

⭕Ho fanamafisana ny andry voalohany izay « Fanandratana ny maha olona » sy ho fanampiana an’ireo voafonja rehetra ao Ambatolampy amin’ny fiverenany eo amin’ny fiarahamonina ihany koa dia nanolotra fampitaovana hanampiana amin’ny fianaran’asa ny Ministry ny Fitsarana.

⭕Ho fanatanterahana indray ny andry fahatelo izay « Fanjakana tsara tantana » sy ho fanatsarana ny fitantanana eo anivon’ny fitsarana dia nanao dinik’asa niaraka tamin’ny Fitsarana Ambaratonga Voalohany tao Ambatolampy ihany koa ny Ministry ny Fitsarana mba hametrahana ny toromarika rehetra amin’ny fomba fiasa toy ny fangaharaharana amin’ny raharaham-pitsarana, ny fandraisana ny olona ary indrindra ny fanatanterahana ny fitsarana manakaiky vahoaka.

➡️Teo ihany koa ny fanomezana ny solosaina ho an’ny Fitsarana mba hanampiana amin’ny fanafainganana ny asa.

🎥 Horonan-tsary fohy:

📌 Alakamisy 06 jona 2024, amin’izao iray volan’ny ankizy izao dia tsy nanadino ireo ankizy tsy ampy taona, mamita sazy, nefa manomana fanadinam- panjakana ao amin’ny fonjaben’Antanimora ihany koa ny Mpitahiry ny Fitombokasem-panjakana, Minisitry ny Fitsarana, RANDRIAMANANTENASOA Landy Mbolatiana.
Nanolotra akanjo mafana, fitaovana entina miatrika fanadinana, boky isan-karazany natao hifanabeazana.
📚 Mpianatra hiatrika fanadinana :
🎒 BEPC ——————– Iray (01)
💼 CEPE ——————– Folo (10)

Nandritra ny laha-tenin-dramatoa Minisitra no nanasongadinany fa anisan’ny zo fototra ho an’ny ankizy ny ahazo fanabeazana.

📌 Alakamisy 6 jona 2024 Ao anatin’ny fankalazana ny « Iray Volan’ny Ankizy » dia nitohy tao amin’ny Akany « Les Enfants du Soleil » tao Itaosy ny hetsiky ny Ministeran’ny Fitsarana.

🎯 Ho fanandratana ny maha olona, izay andry voalohany napetraky ny Filoham-pirenena, izay tanterahina amin’ny alalan’ny fiarovana ny zon’ny ankizy, dia nanatontosa fampahafantarana lalàna sy nanao fanomezana tao amin’ny Akany « Les enfants du Soleil » Itaosy ny Ministera tarihin’ny Mpitahiry ny Fitombokasem-panjakana, Ministry ny Fitsarana, Ramatoa RANDRIAMANANTENASOA Landy Mbolatiana.

🛡️ Nohazavaina tamin’ireo ankizy tao amin’ity Akany ity ny antony nametrahana azy ireo tao, dia noho izy ireo misedra olana amin’ny resaka fianakaviana sy ny mahasamihafa azy ireo amin’ireo ankizy nampidirina am-ponja vonjimaika izay nandika lalàna. Nampahafantarina azy ireo ihany koa ny voka- dratsin’ny fikasihana zava-mahadomelina.

🔋 Ho fanampiana ny toe-piainan’izy ireo ao amin’ny Akany ihany koa dia nanolotra sinibe fanangonan- drano, vary amin’ny gony, menaka, savony, jogging ho azy ireo ary karazam-boky ny Minisitra.
Nampahafantarina an’ireo solotenan’ny Akanin’ankizy miisa 30 mahery, nanatrika ity hetsika ity ihany koa ny fisian’ny fifaninana an-tsary sy an-tsoratra karakarain’ny Ministeran’ny Fitsarana izay andraisin’ireo ankizy anjara ao anatin’ity fankalazana ity.

🌾 Nofaranana tamin’ny fiaraha-misakafo tamin’ireo ankizy tao amin’ny Akany « Les enfants du Soleil ».