Catégorie : Actualités
AMBILOBE : HANANGANA FONJA VAOVAO NY FANJAKANA.
⚖️AMBILOBE : HANANGANA FONJA VAOVAO NY FANJAKANA. NIJERY NY FIAINAN’NY VOAFONJA NY MPITAHIRY NY TOMBOKASEM-PANJAKANA, MINISITRY NY FITSARANA.
📌Zoma faha-10 Novambra 2023, nijery ny zavatra iainan’ny voafonja eto Ambilobe ny Mpitahiry ny Fitombokasem-panjakana, Minisitry ny Fitsarana RANDRIAMANANTENASOA Landy Mbolatiana. Nandritra izany no nahafantarana fa folo no isan’ny voafonja eto ka Vehivavy ny efatra ary lehilahy ny enina. Izy ireo dia efa voatsara ary manefa sazy avokoa.
✔️Hanangana Fonja vaovao eto Ambilobe ny Fanjakana. Mandrapahavitan’ izany fotodrafitrasa vaovao izany anefa dia asiam-panamboarana aloha ny Fonja ankehitriny mba ho fanajana sy fiarovana ny zon’olombelona. Efa antitra mantsy ny trano nefa tsy nisy fanavaozana nandritry ny taona maro. Efa tonga nijery ny lafiny tekinika amin’ny fanatanterahana izany fanamboarana izany rahateo ny tekinisianina iraky ny Minisiteran’ny Fitsarana.
⭕Nandritra ity fitsidihana ity ihany koa no nanomezan’ny Minisitra toromarika ho an’ny Tompon’ andraikitra mitantana ny Fonja, mba hampiasa ny rezisitra amin’ny fomba tena matianina , nohon’ny fitantanana ny Fonja izay mifamatotra amin’ny asam-pitsarana, nohon’ny fitsarana vaovao eto Ambilobe efa misokatra ho an’ny Vahoaka.
AMBILOBE: MISOKATRA HO AN’NY VAHOAKA NY FITSARANA AMBARATONGA VOALOHANY.
⚖️AMBILOBE: MISOKATRA HO AN’NY VAHOAKA NY FITSARANA AMBARATONGA VOALOHANY. TAFAPETRAKA NY FILOHA SY NY TONIA MPAMPANOA LALANA. NANATRIKA NY LANONANA ARA-PITSARANA NY MINISITRA RANDRIAMANANTENASOA LANDY MBOLATIANA.
📌Zoma faha -10 Novambra 2023, Fitsarana Ambaratonga Voalohany Ambilobe, napetraka ho Filoha Ramatoa RASOARIVELO Nirina, napetraka ho Tonia Mpampanoa Lalàna kosa Andriamatoa TOZARA Constant. Efa mandray ny asany avokoa ireo Mpiasa rehetra hampandeha ny raharaha eo anivon’ity Fitsarana vaovao, natsangan’ny Fanjakana ity. Ny Alatsinainy ho avy izao dia efa azon’ny vahoakan’ Ambilobe hanatonana araka ny fanentanana izay nataon’ny Mpitahiry ny Fitombokasem-panjakana, Minisitry ny Fitsarana RANDRIAMANANTENASOA Landy Mbolatiana ary nohamafisiny fa tsy misy very akory ny raharaha izay nentina tany Antsiranana fa efa voafindra eto Ambilobe avokoa ny fanohizana izany ho an’ny Mponina eto.
⭕Raha ny fantatra mantsy dia ny 31 isan-jaton’ny ady madio sy ny 35 isan-jaton’ny ady heloka nandalo tao Antsiranana dia avy teto Ambilobe avokoa. Afa-pahasahiranana arak’izany ny Mponina, na eo amin’ny lafiny fivezivezena na eo amin’ny lafiny ara-bola, nohon’ny saran-dalana, indrindra amin’ny fikarakarana taratasim-panjakana, izay miankina amin’ny Fitsarana. Nanatrika ny Fitsarana manetriketrika ireo tompon’andraiki-panjakana isan-tokony, na olom-boafidy na olom-boatendry.
🎥 Manasa antsika hanaraka izany
FANANGANAN-TSAINA TETO AMIN’NY MINISTERAN’NY FITSARANA.
⚖🇲🇬FANANGANAN-TSAINA TETO AMIN’NY MINISTERAN’NY FITSARANA, NITARIKA NY FOTOANA NY MINISTRY FITSARANA.
📌 Alatsinainy 06 novambra 2023, ho fanomezam-boninahitra ny firenena dia nanantanteraka fananganan-tsaina teto amin’ny Ministeran’ny Fitsarana Faravohitra ny Mpiara-miasa rehetra, nitarika izany ny Mpitahiry ny Fitombokasem-panjakana, Minisitry ny Fitsarana, Ramatoa RANDRIAMANANTENASOA Landy Mbolatiana.
⭕ Nandritra ny fandraisam-pitenenan’ny Minisitra dia nilaza izy fa tokony ho hafainganina sy faranana alohan’ny faran’ny taona ireo asam-pitsarana rehetra, ary nanome toromarika amin’ny hanamafisana ny fitandroana ny filaminana eo anivon’ny Fonja, tsy ho an’ Antanimora ihany fa manerana an’i Madagasikara.
Fanazavana araka ny lalàna, mahakasika ny famoriam-bahoaka.
📌 Zoma 03 novambra 2023, nitondra fanazavana, araka ny lalàna, mahakasika ny famoriam-bahoaka sy hetsika an-kalamanjana na an-dalam-be tao amin’ny biraony teny Faravohitra, ny Mpitahiry ny Fitombokasem-panjakana, Minisitry ny Fitsarana RANDRIAMANANENASOA Landy Mbolatiana.
🎥 Manasa antsika ary hanaraka izany manontolo.
FANKALAZANA NY FAHA-60 TAONAN’NY OECFM.
FANKALAZANA NY FAHA-60 TAONAN’NY OECFM, NANOME VONINAHITRA NY FOTOANA NY MINISTRY NY FITSARANA.
📌Alakamisy 02 Novambra 2023, tonga nanotrona sy nanome voninahitra ny fankalazana ny faha-60 taonan’ny OECFM na “Ordre des Experts Comptables et Financiers de Madagascar” ny Mpitahiry ny Fitombokasem-panjakana, Minisitry ny Fitsarana, Ramatoa RANDRIAMANANTENASOA Landy Mbolatiana tetsy amin’ny Canal Olympia Andohatapenaka.
➡Amin’ny maha Minisitera mpiahy ny Olafitra ny « experts comptables et financiers » azy sy amin’ny maha-saropady ny asa izay iandraiketan’izy ireo dia ho hatsangana ny kaomity izay hiandraikitra amin’ny famolavolana ny paik’ady hanenjehana ireo olona na vondron’olona manao izany asan’ny « experts comptables » izany kanefa tsy nahazo alalana no tsy misoratra anaty tabilaon’ny olafitra.
