PUBLICATIONS RECENTES

♦️Horonan-tsary fanehoana ireo asa vitan’ny Ministeran’ny Fitsarana
tao anatin’ny 100 andro.

📌Voafaritra ao anatin’io Andry lehibe faharoan’ny politikam-pitantanam-panjakana (PGE) ankehitriny io ny sehatry ny indostria sy ny sehatra tsy miankina.

➡️Noho Izany dia nisy ny fivoriana niarahan’ny Ministeran’ny Fitsarana sy ny Banky Foiben’i Madagasikara, ny CSBF, ny fikambanan’ireo mpandray anjara amin’ny sehatra ara-bola toy ny Banky mivondrona ao amin’ny APB, ireo Tranom-piantohana ao anatin’ny AEAM, ireo banky mpampindram-bola mandinika ao amin’ny APIMF, ary ny sehatra tsy miankina toy ny SIM, GEM, FivMpaMa.

⭕Natao izao fivoriana izao mba hisian’ny fifampizarana ireo olana sedrain’ireo sehatra ireo ny amin’ny raharaham-pitsarana, ary ihany koa nanaovana fifanakalozana mba hahitana vahaolana mifandraika amin’izany, ka hanatsarana ny kalitaon’ny asa-pitsarana sy mba ho tombotsoan’ny rehetra.
Maro ny teboka nivoitra tao anatin’izany ka tsy maintsy handraisana lamina sy fiaraha-miasa eo amin’ny samy mpandray anjara.

📸FANOLORANA FONJA MANARAM-PENITRA.
Famintinana an-tsary ny lanonana.

🎥 Horonan-tsary fohy:

📌Nisy ny atrik’asa momba ny fanarenana ny bokin-tany sy sarin-tany tonta, nataon’ireo mpitsara misahana izany, ny alatsinainy 15 aprily tao amin’ny trano famakiam-bokin’ny Ministeran’ny Fitsarana teny Faravohitra.

➡️Nodinihina manokana tamin’zany ny lalàna laharana 2021-018 du 27 jolay 2021 mikasika ny fanarenana ireo bokin-tany sy sarin-tany tonta, ary ny lalàna laharana 2023-884 fampiharana io lalàna ambony io ihany.
Natao izao dinika izao Satria tsy mitsahamitombo ny isan’ireo boky sy sarin-tany tonta tsy azo ampiasaina intsony ka miteraka olana amin’ny lafiny fananan-tany. Etsy an-daniny izany anefa mbola tsy mihatra araka ny tokony ho izy ihany koa ireo lalàna ireo eny anivon’ny fitsarana ny fananan-tany.

⭕Notsindriana koa fa ho raisin’ny fanjakana an-tananana ny fanarenana ireo boky tonta ireo, noho Izany Dia ho maimaim-poana ny fanatanterahana Izany.Araka izany dia natsangana ny vaomiera hiandraikitra ny tetik’asa ka hifandrimbonan’ny Ministeran’ny Fitsarana, Ministeran’ny fitsinjaram-pahefana sy ny fanajariana ny Tany ary ny Ministeran’ny toe-karena sy ny fitantanam-bola.

📌Alatsinainy 15 aaprily 2024, Ao anatin’ny sehatra fijerena ny mahaolona eto Madagasikara sy nohon’ny fandraisan’anjaran’i Madagasikara tamin’ny atrik’asa lehibe momba ny fitsoaha-ponenana sy ny tsy fizakana zom-pirenena, Tany Genève, ny desambra 2023 teo, dia tonga nanatanteraka fitsidihana ara-pomba ofisialy an-dRamatoa Mpitahiry ny Fitombokasem-panjakana Minisitry Ny Fitsarana, Ramatoa RANDRIAMANANTENASOA Landy Mbolatiana tao amin’ny biraony teny faravohitra Ramatoa isany : Monique Ekoko, solotenan’ny biraom-pirenena marolafy miadidy ny mpitso-ponenana eo anivon’ny Firenena Mikambana (UNHCR), atsy Afrika Atsimo, nombanan-dRamatoa Paulette Lydie Angèle Ngo Nkeng Lapee Mpanolotsaim-pifandraisana eo anivon’io birao io ihany.

⭕Nararaotin’izy ireo tamin’zany fotoana Izany ny niarahaba ny fitondram-panjakana malagasy tamin’ny fahatsapana andraikitra sy fanokafana ny birao
misahana ny mpitsoa-ponenana mba hahafahana mandray an-tanana ny olan’izy ireo, fa indrindra tamin’ny fametrahana ambany lalàna ny fitsipika mifehy ny mpitsoa-ponenana mba hifanaraka amin’ny fenitra iraisam-pirenena.

⭕Naneho fisaorana an-dRamatoa minisitra noho izany ireto vahiny ireto tamin’ny fanohanany ny tolo-dalàna ho fanatsarana ny fehezan-dalàna malagasy momba ny zom-pirenena, sy ny fandraisany anjara tamin’ny dinik’asa momba ny fandaniana ny tolo-dalana laharana 001/2021/PL.

✅Nidera ny fandavantena sy fahaiza-mitarika nananan-dRamatoa Minisitra ihany koa izy, tamin’ny famolavolana ny tetik’asa ho fampihenana sy fanafoanana tanteraka ny fitsoaha-ponenana sy ny tsy fananana zom-pirenena, tamin’ny taona 2019.
Ankoatra izay Dia notsindrin’ireto solotenan’ny biraom-pirenena marolafy miadidy ny mpitsoa-ponenana eo anivon’ny Firenena mikambana ireto fa ilaina ny fanohanana avy amin-dRamatoa Minisitra ny amin’ny fandaniana eo anatrehan’ny governemanta, ny tolo-dalana laharana 001/2021/PL momba ny zom-pirenena Malagasy.
Farany Dia manantena hatrany ny fiaraha-mitantana ny atrik’asa momba ny famakiana io tolo-dalana io izy ireo ka hahazoana fankatoavana ny amin’ireo vokatry ny dinika mikasika ny fitsoaha-ponenana sy ny tsy fizakana zom-pirenena eto Madagasikara.

📌Sabotsy 13 aprily 2024, tonga nitsidika sy nijery an’izay azo hanitarana ny famokarana tao amin’ny tombim-pamokaran’ny fonjaben’ny Morondava tao Mitsinjoarivo ny Mpitahiry ny Fitombokasem-panjakana, Minisitry ny Fitsarana RANDRIAMANANTENASOA Landy Mbolatiana. 14ha izao no voly vary misy ao an-toerana ka rehefa fotoana tsy fanaovam-bary dia heritreretina ho ambolena Lojy ny toerana ary hitarina koa ny toerana azo ho volena.

➡️ Tanjona amin’izany dia mandritran’ny taona hisy voly foana ny tany ary koa ny vokatra mba hanampy eo amin’ny lafin’ny sakafon’ireo voafonja.